29.11.20

O mar lava a cabeleira

Marco García envíanos este vídeo recitando o poema O mar lava a cabeleira, recollido no poemario As señoras cousas de Helena Villar Janeiro, un dos libros que temos este ano no Plan Lector de Centro para a aula de 2º de primaria. 

Fixéchelo xenial Marco. Moitas grazas por este agasallo. 

Bicos e apertas dos teus compañeiros/as. 



20.11.20

Día Internacional dos Dereitos da Infancia_ O dereito á educación

Hoxe, 20 de Novembro, celébrase o Día Internacional dos Dereitos da Infancia, por iso, dende o CEIP Milladoiro queremos reivindicar o Dereito a unha Educación en Igualdade e de Calidade para todos e todas, e darlle así voz a tod@s os que non a teñen.


11.11.20

Outono de palabras, outono de pictogramas

Hoxe, o alumnado de 2º de Primaria,  fomos colocar a nosa folla de palabras e pictogramas á árbore colectiva que temos diante da nosa Biblioteca Escolar. 

Outono de palabras, outono de pictogramas é unha das actividades propostas polo Equipo de Biblioteca e Normalización Lingüística. 








10.11.20

Aula de cociña_2º Primaria

Na mañá de hoxe visitamos a aula ou laboratorio de cociña. Desta vez coa idea de facer un sabroso e saudable smoothie (ou batido) con mazás e noces. 

Desfrutamos moito do proceso, traballando por equipos, aínda que o resultado non fose tan bó como esperábamos. Fallounos a máquina que usamos. A batedora non era a axeitada e o noso smoothie non quedou tan cremoso e diluido como quixéramos. 

Teremos que probar outro día con outra receita. De seguro que nos sairá moito mellor!




5.11.20

1º de EP - O noso corpo

Boas a todos e a todas!

En Ciencias da Natureza levamos traballando dende principios de curso arredor da saúde (alimentación, rutinas saudábeis...) e do noso corpo. Estes días comezamos coas partes do corpo humano, da cara, os sentidos... e comezamos a elaborar o noso lapbook sobre este tema. Pouco a pouco irémolo enchendo con todo o que temos dentro: ósos, articulacións, músculos... 

Aquí vos quedan unhas imaxes!

   
 
 

  


 




30.10.20

A Cova, por Mara Añón Álvarez

 Este é o conto que escribíu Mara dende a súa casa para esta XI semana das Lectura Terroríficas. 

Moitas grazas Mara. Tes madeira de escritora. Segue así!

Agardámoste no cole. Cóidate moito!


29.10.20

1º de EP - Plantamos castañas

Boa tarde a todos e a todas!

A castaña é un dos froitos máis significativos do outono e do Magosto e, por este motivo, hoxe estivemos aprendemos como xerminar castañas para nun futuro, non moi lonxano, comezar a ver os nosos pequenos castiñeiros. 

Unha vez que medren, cada neno e nena levará o seu castiñeiro para a casa, onde esperamos que os coidedes moi ben para que nun futuro cheguen a dar castañas.

Aquí vos quedan unhas imaxes.

  

    

   

 

 




Binomio Fantástico de Rodari_2º Primaria

Na aula de 2º levamos a cabo unha das actividades propostas pola Biblioteca para este 1º trimestre, dentro do PDI deste ano e coincidindo co Samaín.

Tratábase de idear o comezo dun conto de medo a partir dun binomio de palabras seguindo unha das técnicas de escritura creativa do xenial autor Gianni Rodari, ao que este cole quere rendir homenaxe xa que neste mes de outubro celébrase o centenario do seu nacemento. 

Cada un dos nenos e nenas dispoñía dun cubo no que en cada cara tiña escrita un par de palabras. A partir de aí inventaban e escribían unha oración ou pequeno texto. 

Este é o resultado. Desta actividade xurdíu a historia de terror que creamos de forma colectiva e que posteriormente gravamos en Radio Balea. 


28.10.20

Exposición de cabazas. 2º de Primaria

Así de fantásticas quedaron decoradas as cabazas que fixeron en familia os nenos e nenas de 2º de Primaria. Superheroes e Superheroínas, como eles e elas!

Grazas familias pola vosa participación!



1º de EP - Outono de palabras, outono de pictogramas

Boa tarde a todos e a todas!

Seguindo coa temática do outono, no corredor do centro temos unha gran árbore que, entre todo o alumnado do centro, ímos encher de follas con palabras positivas en galego. 

Coraxe, amizade, bicos, esperanza... Agora máis que nunca é preciso enchernos de positivismo e de forza, aquí vos quedan unhas imaxes!