Boas a todos e a todas!
Para despedir este trimestre, déixovos unha recompilación de fotografías de
diferentes actividades que levamos a cabo no día a día na aula.
Pasade boa Semana Santa!
Pica na imaxe para ver máis fotografías.
7.4.22
2ºEP - Actividades de aula do 2º trimestre
2ºEP - Proxecto Terra
Boas a todos e a todas!
Hoxe convertémonos por un momento en Inspectores Urbanísticos! Si, si, Inspectores! Dentro do Proxecto Terra levamos a cabo unha actividade desenvolta pola Axencia de Protección da Legalidade Urbanística (APLU). Na xornada de hoxe vimos as características da nosa paisaxe, os elementos naturais e os elementos humanizados, e como, en moitas ocasións, as persoas estragamos o entorno con construcións que non se poden facer.
6.4.22
Entrevista a Tania, nai de Gabi, redeira de Malpica.
Entrevista en Radio Balea do alumnado de 1º de primaria a Tania, nai do noso compañeiro Gabi co motivo da conmemoración do día internacional da muller traballadora.
30.3.22
6ºEI - 1ºEP - 2ºEP - Saída ao Ecomuseo Forno do Forte
Boas a todos e a todas!
Na xornada de hoxe, o alumnado de 6ºEI, 1ºEP e 2ºEP, desfrutou da visita ao Ecomuseo Forno do Forte situado en Buño. Alí, repartímonos en dous grupos para poder realizar a visita guiada, da man de Lola, e o obradoiro de barro, da man do oleiro Tonio.
Lola ensinounos como vivían as persoas nas diferentes casas que conforman o museo, que durmían nunha mesma habitación ata doce persoas, que non había baño nin auga corrente... vimos as lareiras, os fornos para o pan, como conseguían o barro e o gran forno para cocer as pezas elaboradas. Todo isto nunhas pequenas casas de pedra con solos de madeira que hai que pisar lixeiriños.
Por outra banda, Tonio mostrounos como traballar o barro e axudounos a elaborar as pezas que levaremos para casa dentro dunhas semanas.
Foi unha visita que nos encantou e que desfrutamos moito!
Para ver as imaxes da actividade pica na seguinte fotografía.
25.3.22
2ºEP - Valentina
Boas a todos e a todas!
No día de hoxe acudimos ao Centro Cívico para ver a película “Valentina”, unha nena que soña con ser trapecista e que pensa que non poderá chegar a selo por ter Síndrome de Down.
“Se as eirugas conseguen converterse en bolboreta, nada é imposible!”
24.3.22
2ºEP - Entrevista polo Día Internacional da Muller 2022
Boas a todos e a todas!
Xa temos aquí a nosa entrevista polo Día Internacional da Muller!
No día de onte, todos os nenos e nenas da aula foron pasando pola nosa radio para elaborar unha entrevista a unha muller traballadora. Esta muller falounos un pouco sobre o seu traballo, a parte máis bonita e tamén a menos bonita (aínda que deixou algunha cousiña sen contar para que non nos puxeramos tristes).
Noela, grazas por vir á Radio Balea e responder a todas as nosas preguntas! Tamén quedamos moi contentos/as cos agasallos que nos trouxeches ;)
Pica na imaxe para ver máis fotografías:
2º EP - Booktubers
Boas a todos e a todas!
Este curso xa comezamos a gravar algún Booktuber. Invítovos a que piquedes na seguinte imaxe para ir ao blogue Leohle para velos (ou en cada un dos seguintes enlaces). Segundo se vaian gravando, iranse colgando todos. Ata o momento están os seguintes:
Juan Luis: Cachorros & Cachorros
Valentina: Queda sitio na vasoira?
Benito: Animalia 3. Azul
Saúl: Canta miña rula canta
Breixo: ¡Hay un oso en mi silla!
Clara: A paso de tartaruga
Santiago: Facer dedo
Anna: La princesa NO
Leo: Guay
Candela: El pez que nunca lloraba
Antía: O aprendiz de home do saco
12.3.22
Formación con Julia de la Cal: estrutura de vimbio
Un curso máis, a Asesoría de Bibliotecas Escolares, concedeunos aos centros do Plan LIA.2 unha formación dentro do programa Biblioteca Creativa, este ano dirixida ao alumnado, ás familias e en xeral a toda a comunidade educativa.
Dentro das moitas actividades ofertadas, moi interesantes e funcionais, decidímonos pola realización de obradoiros para a creación dunha estrutura de vimbio con Julia de Cal; xa que dentro do PDI NÓS: patrimonio in-MATERIAL!, neste trimestre traballamos os oficios tradicionais de Malpica e Costa da Morte, e en marzo dirixido ao traballo realizado por Mulleres.
Foi unha actividade moi enriquecedora, de forma que ao remate das xornadas conseguimos, co traballo en equipo, un espazo de vimbio para o tempo de lecer, de lectura, de tranquilidade e de xogo, un produto realizado entre tod@s e para tod@s, como comunidade educativa que somos.
Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo.
Agradecer á Asesoría esta oportunidade de aprendizaxe, a Julia de la Cal por achegarnos un oficio tradicional tan bonito e pola súa implicación; así como a todas as familias que puideron vir ao cole para colaborar con nós, INFINITAS GRAZAS!!!!
11.3.22
2ºEP - Día Internacional da Muller
Boas a todos e a todas!
Como todos os cursos, chegado o 8M conmemoramos o Día Internacional da Muller. Este ano levamos a cabo dúas actividades:
- Entrevistas a mulleres traballadoras: desde as casas colaboráchedes para que o alumnado puidera facer unha pequena entrevista a unha muller traballadora coñecida para eles/elas. Esas entrevistas foron compartidas en clase posteriormente.
- Visita á exposición "Muller tiña que ser" elaborada polo alumnado de 6ºEP: acercámonos ao segundo andar para indagar sobre algunha das imaxes de mulleres que se atopaban no mural (quen eran?, que fixeron? por que foron importantes?).
Pica na imaxe para ver máis fotografías.
10.3.22
8M:Día Internacional da muller_6ºEI/1ºEP
Cada 8 de marzo conmemoramos o Día Internacional da muller, data na que reinvindicamos a igualdade entre mulleres e homes. Nesta ocasión realizamos diversas actividades:
- Visualización dunha curta de animación sobre o feminismo, adaptado para nen@s, e debate posterior.
- Visita á exposición MULLERES TIÑAN QUE SER!, colocada no segundo andar e realizada polo alumnado de 6º de Primaria guiados pola súa titora Uxía. Aquí coñecemos algunhas das mulleres que fixeron historia polo seu traballo e aportacións á ciencia fundamentalmente. Mulleres coma Ángeles Alvariño, Vera Rubin, Jane Goodall, Lyn Petra Alexander ou Ana Prieto López.
Picando nesta imaxe podedes ver máis fotos da galería.
24.2.22
2ºEP - Formación de radio
Boas a todos e a todas!
Estes días estamos cheos de actividades! O mestre Óscar, coordinador da Radio Balea, ofreceunos unha actividade de formación na radio.
Xa case somos uns expertos!
Pica na imaxe para ver máis fotografías da actividade.
23.2.22
6ºEI - 1ºEP - 2ºEP - Día de Rosalía
Boas a todos e a todas!
Co gallo da conmemoración do Día de Rosalía, este 23 de febreiro realizamos diversas actividades.
A nivel de aula, o alumnado de 6ºEI, 1ºEP e 2ºEP pintou e decorou unhas macetas que posteriormente empregaría para colocar cadansúa plantiña.
Por outra banda, realizamos o tradicional marcapáxinas co retrato de Rosalía de Castro e coa súa flor preferida: o pensamento. Ademais disto, dende a Biblioteca decidiuse agasallar a todo o alumnado cun libro de expurgo para darlles unha segunda vida a todos eses libros que xa foron descatalogados da nosa Biblioteca.
Para finalizar, a nivel de centro levouse a cabo unha actividade conxunta que pronto poderedes ver no blogue da Biblioteca Escolar.
Esperamos que desfruten moito dos libros e recordade botarlle auga ás plantiñas ;)
Pica na imaxe para ver máis fotografías da actividade.
16.2.22
6ºEI - 1ºEP - 2ºEP - Cociña de entroido
Boas a todos e a todas!
Entre o día de onte e hoxe, o alumnado de 6º de EI, 1º de EP e 2º de EP foi pasando pola nosa cociña para realizar unha receita de Entroido: uns antefaces de masa follada adornados con xarope de chocolate, xarope de fresa e fideos de cores.
Están feitos uns verdadeiros reposteiros/as!
Pica na imaxe para ver máis fotografías do proceso.
8.2.22
Eu son como son_1º de Primaria
Queremos amosarvos un par de imaxes de como nos quedou o lapbook no que estivemos traballando durante o primeiro trimestre na área de Ciencias da Natureza. O bloque de contidos xiraban arredor do Ser Humano e a Saúde: as partes do corpo, os sentidos e os seus órganos, os coidados do corpo...
Aprendemos moito!
Subscribirse a:
Publicacións (Atom)