Laboratorio de Cociña 1º

Quixemos rematar o trimestre visitando o laboratorio de cociña para elaborar unha árbore de Nadal comestible xa que empregamos froitas variadas. Manter unha alimentación saudable, co consumo diario de froita e verdura axudaranos a medrar sans e fortes. Divertímonos no proceso e puxémonos as botas de froita bañadas cun chisquiño de xirope de chocolate.

Boas e saudables festas!!

Bo Nadal! (2º)

Fin proxecto cómic: comunicando! (2º)

Terceiro Laboratorio de Son (Radio Balea)

Dende finais de novembro e este curto mes de decembro o grupo 1 estreou un novo programa: Musicadoiro.

A sección que iniciou esta estrea foi "Bulimos nas ondas" adicada á música infantil galega e, especialmente, a Paco Nogueiras.

Temos que felicitar pola súa motivación e paciencia, de entre os tres grupos que este primeiro trimestre pasaron polo laboratorio de son, a este último grupo; xa que tivemos problemas técnicos varios en Radio Balea que nos impedían gravar no estudo, polo que os máis pequenos usamos as gravadoras para emitir o indicativo da nosa radio, as cuñas e as ráfagas emitidas; namentras os maiores tentaban locutar o programa.

Finalmente, Musicadorio: Bulimos nas ondas puido emitirse no día de hoxe como presentación do concerto que Paco Nogueiras nos ofreceu.

Deixámosvos o programa completo e as fotos que puidemos facer (picando na imaxe accederedes ao álbum de fotos)

Saída 1º trimestre: cine e radio

Como peche do 1º trimestre, no día de hoxe, realizamos unha saída que nos achegou a dous medios de comunicación: o cine e a radio.

Comezamos cunha sesión de cine compartida con E.I, e 3º de E.P.; xa que o cine foi unha saída para todo o colexio, un día de convivencia que nos encantou!
Despois de merendar visitamos Radio Voz para coñecer un estudo de radio que emite en directo.

Agradecer a amabilidade de Fran Rodríguez, que nos ensinou o seu traballo detrás do micrófono e na mesa de son. 

Picando na foto accederedes ás imaxes do día.

Obradoiro Makey Makey (2º)

A Asesoría de Bibliotecas Escolares concedeu a todos os centros que participamos no Plan LIA2, unha sesión de formación para o alumnado dentro da Biblioteca Creativa.

Entre os obradoiros ofrecidos, todos moi interesantes, nós escollemos E-Téxtiles, que consiste na creación de circuítos en papel e en téxtiles.

O venres pasado fixemos este obradoiro da man de Paola Guimeráns , unha das maiores expertas neste campo, e organizouse en tres sesións para distintos grupos:


- Makey makey: o alumnado de 2º de primaria utilizou o makey makey para facer un xogo en Scratch. Paola contoulles unha historia sobre un lobo, e uns animaliños escondidos na granxa ós que tiñan que ir descubrindo. Para poder escoitar e recoñecer a cada animal utilizouse o makey makey e circuítos con adhesivo de cobre.

                                 FOTOS

- Circuítos e papel: o alumnado de 4º de primaria realizou unha postal de Nadal, para iso construíron un circuíto sobre papel utilizando adhesivo de cobre, unha batería e luces leds. As postais quedaron moi bonitas e foi increíble a forma en que aprendían a base de facer e de errar, e ver como entre eles axudábanse para que todos os circuítos funcionaran.

                                 FOTOS


- Circuítos e téxtiles: na última sesión de formación , o alumnado de 5º de primaria creou un adorno para árbore de Nadal. Utilizaron un trociño de fieltro no que construíron un circuíto utilizando fío conductor para coser, e engadiron luces leds e adornos. Todos utilizaron a agulla perfectamente, axudáronse mutuamente  e a base de aprender facendo e colaborando, todos conseguiron levar a súa obra para casa con moita emoción.

                                 FOTOS

Nas tres sesións destacou a colaboración entre o alumando, que tivo un papel moi activo, e a alegría de construir algo verdaderamente significativo para eles.

Foi un enorme pracer ter a Paola Guimeráns no noso centro. Moitísimas grazas por todo!!!!

BOAS FESTAS! (1º)

Despois dun longo trimestre chegaron as vacacións. Que sirvan para descansar e repoñer pilas, practicar a lectura cada día un anaquiño e sobre todo disfrutar das festas e do tempo compartido en familia.
Vémonos o 8 de xaneiro.

BO NADAL E FELIZ 2020!!

Visita dos Reis Magos

Hoxe tivemos a sorte de recibir a visita dos Reis Magos que recolleron as nosas cartas e escoitaron todas as peticións que teñen os nenos e nenas de Educación Infantil e do 1º ciclo de Educación Primaria. Podedes ver todas as fotos premendo no seguinte enlace: Reis Magos.

Cociñando Braille (2º)

Hoxe estivemos no laboratorio de cociña escribindo braille con tostas e xarope de chocolate.
Cada grupo escribiu unha palabra relacionada co nadal, tendo moito coidado de non botar demasiado xarope.
Encantounos esta actividade. O mellor foi o final, comer cada letra en braille pois estaban...para chuparse os dedos! Todos coincidimos en que as tostas sabían a...gusanitos!
Picando no seguinte enlace accederedes ao álbum de fotos: COCIÑANDO BRAILLE

Pequeciencias - 3º grupo

Unha chisca de nós! (2º)

Dereitos da Infancia e comunicación: Braille (2º)

Dereitos da Infancia (1º)

Cada 20 de novembro conmémorase o Día Internacional dos Dereitos da Infancia e o 3 de decembro o Día Internacional das persoas con discapacidade. Como este trimestre o noso Proxecto de Centro xira en torno á comunicación cada aula preparamos un mural escollendo un artigo da Convención dos Dereitos da Infancia e aprendemos un pouco da Lingua de signos, como un sistema alternativo de comunicación que usan maioritariamente a comunidade de persoas xordas. Os nenos e nenas de 1º de Primaria elaboramos este cartel que vos amosamos a continuación. Se premedes na imaxe accederedes ao video que gravamos en Lingua de Signos co Dereito de todos os nenos e nenas a xogar, divertirse e descansar.

Segundo Laboratorio de Son (Radio Balea)

Un novo grupo, un novo programa da nosa propia parrilla!
Recibimos ao grupo 2 para guionizar, locutar e producir dentro do programa "MillaInforma" a sección "Xogos de onte, hoxe e mañá".
Esta sección foi o punto de partida para pór en funcionamento, coordinado polo mestre Óscar dende as súas sesións de E.F. e nos recreos, os xogos tradicionais: corda, goma, chapas, buxainas, mariolas...
Un programa con gran número de colaboracións: familias (alumnado de 2º), compañeiros/as (entrevistas no patio de recreo) e mestre/a (Óscar mestre de E.F., que aportou a reflexión final do programa e Susana, mestra de 1º,  que colaborou nas ráfagas co son da súa gaita) os cales enriqueceron o traballo feito por este grupo.
Grazas a todos/as pola vosa participación!

Picando na primeira imaxe accederedes ao álbum de fotos deste segundo laboratorio.

Convidámosvos a escoitar o podcast final!

Esto é o que somos

No curso pasado inauguramos as nosas novas instalacións. Pasamos a formar parte dos centro piloto nos que a Consellería explora a evolución do modelo de biblioteca escolar acorde coas necesidades do alumnado actual e coas tendencias en materia bibliotecaria e educativa.
estamos moi orgullosos da nosa traxectoria de excelencia educativa. Hoxe os centros LIA2 son 20. Cando nos seleccionaron a nós eramos 12 de toda Galicia (de Infantil a Bacherelato)
Así que: 

podedes presumir de cole!

Apócema da bruxa

Cómic "Os tres bandidos"

Hoxe, co gallo das X Lecturas Terroríficas, presentamos na biblioteca o noso cómic.


Neste seguinte vídeo podedes ver un dos produtos finais do proxecto "Cómic", que no primeiro vídeo non se ve claramente, e co cal nos divertimos e seguimos aprendendo moito.
Esperamos que vos guste!
 

Samaín 2019

Outono 1º

Canto dá de sí o outono!!! Encántanos esta estación do ano.

Velaquí algún dos traballiños que fixemos en 1º. O esquío e o ourizo son dous dos animais que aparecen nun dos libros do Plan Lector deste curso; Os animais do bosque.

O outro, o libro de poemas Vento, ventiño, venteiro tamén nos encaixa perfectamente neste proxecto, achegando a poesía de Antonio García Teijeiro ao alumnado.

Primeiro Laboratorio de son (Radio Balea)

O primeiro laboratorio de son rematou, este mes de outubro, emitindo ao longo desta semana (no recreo e nas Lecturas Terroríficas) o primeiro programa da nosa propia parrilla de programas.

O programa "Festexamos" recolle a sección "Samaín 2019", o cal emite 3 lecturas terroríficas entre introducións, cuñas, ráfagas, despedida e sintonía da nosa Radio Balea (en proceso temos a creación do indicativo/jingle da nosa radio)

Picando na primeira foto accederedes ao álbum de fotos deste primeiro laboratorio.

O alumnado de E.I., 1º e 2º de E.P., ademais de reproducir a lectura "A casa da miña avoa", foi creador de cuñas e ráfagas estremecedoras. Como práctica, antes de gravar no estudo de radio, as gravadoras foron un recurso que lles encantou; traballando a escoita, o silencio, a entoación...

O alumnado de 3º a 6º de E.P. foron os encargados de guionizar a emisión do programa, locutar o mesmo e reproducir dúas lecturas: "A figueira de Pelostortos" e "Os tres bandidos".


Só nos queda felicitalos polo gran traballo realizado!




A continuación podedes ver a presentación que empregamos para iniciar aos máis pequenos nos medios de comunicación, entre eles a radio (Radio Balea); así como coñecer a comunicación e os seus elementos. O mesmo que fixeron os maiores, os cales profundizaron máis tratando: a historia da radio, a comunicación, a nosa radio Balea...

Laboratorio Son_2019/20

Leer más publicaciones en Calaméo

Convidámosvos a escoitar o podcast do programa "Festexamos: Samaín 2019" de Radio Balea.
 

Saída "Búsqueda do tesouro"

A semana pasada o alumnado de E.I., 1º e 2º fixemos unha saída ao parque de Buño para levar a cabo unha actividade na natureza.
O alumnado dividiuse en grupos para buscar os tesouros marcados nas fichas que lles entregamos. Para a súa búsqueda contaban cos recursos precisos: lupas, visores, lanternas, bolsas para a recollida dos tesouros...
A actividade foi todo un éxito e todos os grupos grandes exploradores, atoparon todo canto se pedía en menos tempo do acordado polo que tiveron logo máis tempo para seguir xogando...desta vez no parque!
Agora toca, nas aulas, sacar partido a todos os tesouros atopados.
Picando na foto poderedes acceder as imaxes do día.

1º Grupo Laboratorio de Ciencias (Pequeciencias)

Pasou o primeiro grupo de Educación Infantil e 1º ciclo de Educación Primaria polo Laboratorio de Ciencias, estreando novo espazo: o laboratorio Pequeciencias.
Aquí tedes un pequeno vídeo resumo onde se recollen as diferentes actividades que realizamos. 

Comezamos identificando os elementos cos que íamos traballar, realizamos mesturas con auga para distinguir as homoxéneas das hetereoxéneas e experimentamos libremente (a parte que máis lles gustou). 

A seguinte sesión estivo adicada á realización de experimentos baseados nas mesturas, as reaccións químicas e os cambios da materia e, por último, fixemos un repaso de todo o aprendido e probamos as piruletas de azucre que se cristalizaran dende a primeira sesión.

Leolab 1º

Estivemos no Leolab facendo diferentes actividades creativas.

Encántanos aprender xuntos neste espazo!

Picando na imaxe poderedes acceder ao álbum de fotos.

Novo curso, novos desexos!

Lapbook de Alejandro e familia

Alejandro sorprendeunos a todos/as co lapbook dos sentidos que fixo coa súa familia nas vacacións de verán.
Grazas Alejandro e familia, encantounos!

Comezamos!

Benvidos e benvidas a 1º de Educación Primaria, Picariñ@s do Milladoiro!

O equipo de mestras e mestres agardamos que afrontedes esta nova etapa con moita ilusión e que aprendades moitísimo no mellor colexio do mundo.

Neste espazo iremos publicando parte das actividades (de aula, nos laboratorios, saídas, celebracións…) que levaremos a cabo ao longo do presente curso.

Comezamos!

Fin de curso 2018/19

Xogos Populares 1º e 2º ciclo E.P.

Hoxe, 1º e 2º ciclo de E.P.,  realizamos xogos populares no patio cuberto.
Unha nova xornada de aprendizaxes e diversión, con agasallos finais: unha chapa e unha buxaina.
O curso que vén máis!

Ciencia, tecnoloxía e rodas

Lapbooks de 1º

Hoxe repasamos os lapbooks feitos en cada trimestre: os seres vivos, o noso corpo aliméntase, materiais e máquinas.
Agora toca disfrutalos en familia e animarse a facer algún na casa con diferentes formas e materiais.