6º EI - 1º EP - 2º EP - Laboratorio de Imaxe e Día da Paz

Boas a todos e a todas!

Neste mes de xaneiro desenvolvemos o laboratorio de imaxe. Nesta ocasión, leváronse a cabo unhas actividades relacionadas co Día da Paz e co noso PDI, "Nós: Patrimonio Inmaterial". 

Todos os nenos e nenas de 6ºEI, 1ºEP e 2ºEP foron os encargados/as de investigar sobre un personaxe moi importante, e moi descoñecido para algúns, como é Pedro Cambón (despois coñecido por Pedro Benito Cambón).

Pedro Cambón nace en Seaia a mediados do século XVIII. En 1769 parte cara as Américas, e chega a fundar, na Misión de San Francisco de Asís, a primeira edificación en San Francisco (1791, California), converténdose nunha das primeiras pedras da cidade e no edificio máis antigo que aínda se conserva. 

Este laboratorio tivo 3 partes:

• Escape room polo centro: coa axuda da profe María, a nosa especialista en Audición e Linguaxe, os nenos e nenas mergulláronse nun escape room, converténdose así, en pequenos investigadores cunha misión: descubrir quen era o personaxe que deberían investigar posteriormente e cal era o lugar ao que emigrou, neste caso, Pedro Cambón e San Francisco.

• Visita de Adrián Abella: ademais, o pasado venres, tivemos a visita de Adrián Abella, veciño de Malpica, quen levou a cabo unha investigación moi exhaustiva ao longo dos anos sobre Pedro Cambón. Gracias a Adrián descubrimos moitos datos e historias que non coñeciamos e que non poderiamos chegar a coñecer se non fose pola súa axuda. Dende aquí querémoslle agradecer a súa valiosísima colaboración!

• Videochamada co mestre Sergio dende San Francisco: despois de investigar sobre Pedro Cambón e sobre o San Francisco de aquela época, viaxamos de novo ata a actualidade para facer unha videochamada co noso compañeiro e mestre Sergio, quen reside e dá clase actualmente en San Francisco. Nesta conexión, Sergio móstranos a Igrexa que fundou Pedro Cambón e moitas das construcións máis significativas da cidade como é o Golden Gate, a ponte máis famosa de San Francisco. Moitas gracias Sergio pola túa gran aportación dende o outro lado do charco!

E ti, sabías que a cidade de San Francisco tiña as súas raíces en Seaia?

Pica na imaxe para ver máis fotografías da actividade.

2ºEP - Laboratorios

Boas a todos e a todas!

Para darlle continuidade á proposta do Laboratorio Experimental, hoxe percorremos os corredores do centro para levar a cabo os experimentos preparados por cada unha das aulas. 

Picando na imaxe poderedes ver as fotografías deste e dos demais laboratorios desenvoltos ata o momento.

LEOLAB 19/20

No primeiro trimestre do presente curso puxemos en marcha no noso cole os laboratorios de aprendizaxe. A expectación e ilusión era máxima. Cada mércores, despois da Hora de Ler todo o alumnado do cole organizábase por equipos interniveis para participar nun dos 5 laboratorios: Laboratorio Documental, Laboratorio de Ciencias, Laboratorio de Son, Laboratorio de Ideas e Laboratorio de Imaxe.

Entendemos estos laboratorios como espazos de aprendizaxe onde desenvolver as competencias básicas, onde crear, experimentar, investigar…dunha maneira lúdica e motivadora coa orientación das mestras e mestres do noso colexio.

Esta actividade quedou cancelada  coa declaración do estado de alarma polo COVID-19 e a suspensión das clases. 

Desexamos que para o vindeiro curso poidamos emprender novamente os nosos laboratorios nos que tanto aprendemos e desfrutamos.

Laboratorio de Ideas-Reciclando con SOGAMA (2º)

Hoxe os/as compañeiros/as de 6º viñeron a falarnos da reciclaxe, pois recibiron obradoiros de formación dentro do programa "Recíclate con SOGAMA" do Plan Proxecta.
Dende  xa, imos poñer en práctica o aprendido con eles e no Laboratorio de Ideas (reciclaxe) e aplicar as 3R: Reducir, Reutilizar e Reciclar.
Picando no seguinte enlace poderedes ver as fotos.

Recíclate con SOGAMA

Terceiro Laboratorio de Son (Radio Balea)

Dende finais de novembro e este curto mes de decembro o grupo 1 estreou un novo programa: Musicadoiro.

A sección que iniciou esta estrea foi "Bulimos nas ondas" adicada á música infantil galega e, especialmente, a Paco Nogueiras.

Temos que felicitar pola súa motivación e paciencia, de entre os tres grupos que este primeiro trimestre pasaron polo laboratorio de son, a este último grupo; xa que tivemos problemas técnicos varios en Radio Balea que nos impedían gravar no estudo, polo que os máis pequenos usamos as gravadoras para emitir o indicativo da nosa radio, as cuñas e as ráfagas emitidas; namentras os maiores tentaban locutar o programa.

Finalmente, Musicadorio: Bulimos nas ondas puido emitirse no día de hoxe como presentación do concerto que Paco Nogueiras nos ofreceu.

Deixámosvos o programa completo e as fotos que puidemos facer (picando na imaxe accederedes ao álbum de fotos)

Pequeciencias - 3º grupo

Segundo Laboratorio de Son (Radio Balea)

Un novo grupo, un novo programa da nosa propia parrilla!
Recibimos ao grupo 2 para guionizar, locutar e producir dentro do programa "MillaInforma" a sección "Xogos de onte, hoxe e mañá".
Esta sección foi o punto de partida para pór en funcionamento, coordinado polo mestre Óscar dende as súas sesións de E.F. e nos recreos, os xogos tradicionais: corda, goma, chapas, buxainas, mariolas...
Un programa con gran número de colaboracións: familias (alumnado de 2º), compañeiros/as (entrevistas no patio de recreo) e mestre/a (Óscar mestre de E.F., que aportou a reflexión final do programa e Susana, mestra de 1º,  que colaborou nas ráfagas co son da súa gaita) os cales enriqueceron o traballo feito por este grupo.
Grazas a todos/as pola vosa participación!

Picando na primeira imaxe accederedes ao álbum de fotos deste segundo laboratorio.

Convidámosvos a escoitar o podcast final!

Primeiro Laboratorio de son (Radio Balea)

O primeiro laboratorio de son rematou, este mes de outubro, emitindo ao longo desta semana (no recreo e nas Lecturas Terroríficas) o primeiro programa da nosa propia parrilla de programas.

O programa "Festexamos" recolle a sección "Samaín 2019", o cal emite 3 lecturas terroríficas entre introducións, cuñas, ráfagas, despedida e sintonía da nosa Radio Balea (en proceso temos a creación do indicativo/jingle da nosa radio)

Picando na primeira foto accederedes ao álbum de fotos deste primeiro laboratorio.

O alumnado de E.I., 1º e 2º de E.P., ademais de reproducir a lectura "A casa da miña avoa", foi creador de cuñas e ráfagas estremecedoras. Como práctica, antes de gravar no estudo de radio, as gravadoras foron un recurso que lles encantou; traballando a escoita, o silencio, a entoación...

O alumnado de 3º a 6º de E.P. foron os encargados de guionizar a emisión do programa, locutar o mesmo e reproducir dúas lecturas: "A figueira de Pelostortos" e "Os tres bandidos".


Só nos queda felicitalos polo gran traballo realizado!




A continuación podedes ver a presentación que empregamos para iniciar aos máis pequenos nos medios de comunicación, entre eles a radio (Radio Balea); así como coñecer a comunicación e os seus elementos. O mesmo que fixeron os maiores, os cales profundizaron máis tratando: a historia da radio, a comunicación, a nosa radio Balea...

Laboratorio Son_2019/20

Leer más publicaciones en Calaméo

Convidámosvos a escoitar o podcast do programa "Festexamos: Samaín 2019" de Radio Balea.
 

1º Grupo Laboratorio de Ciencias (Pequeciencias)

Pasou o primeiro grupo de Educación Infantil e 1º ciclo de Educación Primaria polo Laboratorio de Ciencias, estreando novo espazo: o laboratorio Pequeciencias.
Aquí tedes un pequeno vídeo resumo onde se recollen as diferentes actividades que realizamos. 

Comezamos identificando os elementos cos que íamos traballar, realizamos mesturas con auga para distinguir as homoxéneas das hetereoxéneas e experimentamos libremente (a parte que máis lles gustou). 

A seguinte sesión estivo adicada á realización de experimentos baseados nas mesturas, as reaccións químicas e os cambios da materia e, por último, fixemos un repaso de todo o aprendido e probamos as piruletas de azucre que se cristalizaran dende a primeira sesión.