2°EP - Valores Sociais e Cívicos

El emocionómetro del Inspector Drilo, El árbol de la escuela, Elmer... e ahora A paso de tartaruga e La joya interior. Sempre comezamos coa lectura dun libro para traballar diferentes contidos relacionados coa materia (as emocións, a importancia de coidar as relacións, a igualdade...) a través dalgunha actividade.

Nesta ocasión, a través de "A paso de tartaruga" e "La joya interior" traballamos as cualidades positivas de cada un de nós. Non todos temos que destacar en todo, pero todos temos algo no que destacamos. Por iso, é importante ver os nosos puntos fortes e saber que cando traballamos en equipo, estamos unindo forzas e poñendo en valor cada unha das nosas potencialidades para chegar a un fin común. 

  

1º de EP - Outono de palabras, outono de pictogramas

Boa tarde a todos e a todas!

Seguindo coa temática do outono, no corredor do centro temos unha gran árbore que, entre todo o alumnado do centro, ímos encher de follas con palabras positivas en galego. 

Coraxe, amizade, bicos, esperanza... Agora máis que nunca é preciso enchernos de positivismo e de forza, aquí vos quedan unhas imaxes!

   

   

   

 

1º de EP - A árbore da escola

Boa tarde a todos e a todas!

Na materia de Valores Sociais e Cívicos traballamos sempre partindo dun libro. Despois de comezar o curso traballando as emocións co noso xa coñecido amigo Monstro de Cores, agora tocoulle ao libro “El árbol de la escuela”.

Este conto lévanos a pensar en como un proxecto, ou mesmo unha persoa, pode crecer si a xente do seu redor presta a súa colaboración, interese e cariño. Deste xeito, a raíz desta historia, estivemos traballando o trato aos demais e as relacións sociais.

Déixovos aquí unhas imaxes da actividade.