Presentamos a nosa participación no Festival das Letras 2025 do CEIP Milladoiro de Malpica de Bergantiños.
Atendendo ao Día das Letras Galegas, que homenaxea á poesía popular oral, ás cantareiras e pandeireteiras, a aula de 2ºA cantamos e contamos!
Grazas infindas a Tania, María, Suso e familias pola colaboración e participación para que a nosa actuación se materializara.
Valorando e preservando a nosa rica tradición oral e cultural, todos os días do ano.
Feliz Día das Letras Galegas!
Presentamos o noso cómic para o libro de produción propia de centro, Galicómic 2025, que garda relación co PDI.
Un cómic no que recollemos a nosa fascinación por un animal estraño e marabilloso: o axolote.
.jpg)
Ler para crer!
Celebramos o Día de Rosalía reproducindo na plantilla-pandeireta, facilitada polo equipo de BE-DL, unha copla do "Maneo de Mens" que tamén gravamos en Radio Balea para o vídeo da actividade de centro en relación co PDI que nos ocupa.
Ao tempo, organizamos a recolleita de poesía popular realizada entre as familias da nosa aula resultando outro produto final co cal podemos seguir investigando e aprendendo.
Grazas a todas as familias pola súa colaboración e... feliz Día de Rosalía, hoxe e todos os días do ano!
