FESTIVAL DAS LETRAS_2ºB/3º

Aniversario Lector_Sara 2ºB

Seguimos celebrando aniversarios entre compañeiros/as coa lectura compartida de contos e a colaboración das familias. Hoxe tocoulle a Sara, que fai 8 aniños, e veu visitarnos a súa prima Isa. Leron para todos/as nós o conto Pápote a bicos, de Carmen Gil. 

Moitas grazas por vir e MOITOS PARABÉNS, SARA!! 

Aniversario lector_Rosalía 2ºB

Entramos no mes de maio celebrando o aniversario da nosa compañeira Rosalía. Desta vez achegouse a súa nai para compartir con tod@s nós o conto Rosalía y las verduras que no se comía, de Paula Merlán. Un conto escrito en verso moi interesante e divertido que nos gustou moito. 

Moitas grazas Rosalía e MOITOOOOSSS PARABEEEENNNS!! 

1º-2º-3º_Visitamos a Radio Galega e o Museo de Historia Natural

No día de hoxe as aulas de 1º, 2º e 3º de primaria visitamos a Radio Galega, grazas ao premio do VI Concurso de Podcasts-Radio na biblio que o pasado curso acadou o alumnado de 6º de educación infantil e que este ano cursa 1º de primaria.

Unha visita na que asistimos, en directo, ao programa "Galicia por diante" presentado por Kiko Novoa e Cristina García. Premendo no seguinte enlace poderedes escoitar, a partir de 1 hora e 48 minutos, a participación do noso cole:

• Galicia por diante coa rapazada do CEIP Milladoiro 

Unha experiencia de radio en directo que nos encantou, así como poder coñecer as instalacións da CRTVG, que este ano celebra o seu 40 aniversario, e ao persoal que tan amablemente nos acolleu e ata nos despediu con agasallos: bolsa de tea... con libro incluído!

Ao tempo, aproveitamos a saída a Santiago de Compostela para visitar o Museo de Historia Natural da USC que foi un peche de xornada fantástico porque a tod@s nos marabillou o que vimos: animais, minerais, plantas...

Premer na imaxe para acceder á galería de fotos

Unha saída a do 2º trimestre... do máis radiofónica e natural!

Aniversario Lector_Alexia 3º EP

Alexia estivo de aniversario fai uns días e recibimos na nosa aula aos seus pais e á súa irmá, Uxía, e nos leron uns chistes moi graciosos cos que nos rimos moito. Gracias por vir!

Moitos parabéns Alexia polo teu 9º aniversario! 

Un entroido cheo de cor e sabor!_2ºB/3º EP

O xoves 27 de febreiro o noso cole enchíose de cores para festexar o entroido. Foi unha xornada moi divertida na que aproveitamos para ir ao Laboratorio de cociña a preparar unhas saborosas pizzas. Despois pasamos pola Aula Croma a sacarnos fotos. 
Podedes ver un resumo do día neste vídeo que preparamos. 

Que teñades moi feliz entroido!

Somos artistas_2ºB/3º EP

Con este vídeo queremos dar visibilidade aos últimos traballados feitos na área de Plástica na Aula de Arte inaugurada este curso no noso cole. 

Trátase duns traballos artisticos a modo de collage feitos con diferentes materiais e texturas e tendo como base recortes de textos sacados de libros expurgados da biblioteca escolar. A técnica foi totalmente libre dando renda solta a imaxinación de cada quen. 

SOMOS UNS e UNHAS ARTISTAS!

Paraugas pola paz_2ºB/3º EP

Polo DÍA ESCOLAR DA NON VIOLENCIA E A PAZ a nosa aula quixo sumarse a actividade de RETOS POLA PAZ que consistiu en crear un paraugas colectivo que tivese un poder máxico; un poder que faga deste mundo un lugar mellor, inspirándonos no conto O ladrón de paraugas. 

Convidamos ao alumnado de 2º de Primaria do CPI As Revoltas a colaborar nesta iniciativa os cales aceptaron con moita ilusión. Para formalizar o intercambio de paraugas, ao mesmo tempo que nos coñecíamos, programamos para o día de hoxe unha videochamada. 

O noso paraugas laranxa é o paraugas do RESPECTO e a CONVIVENCIA. 

Ademáis do paraugas colectivo, cada neno e nena de ambos centros coloreou o seu propio paraugas e asignoulle o poder que quixo. 

Podedes ver máis fotos do acto premendo neste enlace: PARAUGAS POLA PAZ

          

Aniversario Lector_2ºB

Último aniversario do mes na nosa aula. Desta vez é Pedro quen fai anos e veu a súa nai compartir un conto con tod@s nós. Un conto moi chulo que non coñecíamos. Trátase de El largo viaje de Nanuc, de Toni Cabo. Gustounos moito, sobre todo a sorpresa final da carta. 

Moitas grazas pola visita e MOITOS PARABÉNS, PEDRO! 

Aniversario lector_Andrea 3º EP

Na nosa aula hoxe volvemos a estar de celebración xa que Andrea fai 9 anos. Achegouse a súa nai ao cole para compartir con tod@s nós un marabilloso conto titulado Canto máis longa sexa a espera maior será o abrazo de Eoin Mclaughlin. Encantounos!

Moitos parabéns Andrea e moitas grazas mami por vir! 

Aniversario Lector_Emma 3º EP

Xaneiro é para a nosa aula un mes cargadiño de anivesarios. O primeiro en celebrar é Emma que xa cumple 9 anos. Quixo facelo traendo ao cole ao seu avó e xuntos léronos este fermoso conto: Crocodilo namorado de Daniela Kulot. Encantounnos. 

Grazas por vir! e...MOITOS PARABÉNS, EMMA!!

Nadal, tempo de comunicar_2ºB/3º

Aquí vos presentamos un vídeo resumo desta emocionante experiencia de comunicación interxeracional para reinvidicar a necesidade de comunicarnos, de escoitar, de falar, de mirarse aos ollos, de conectar...non só no Nadal senon durante todos os días do ano.

Tamén vos deixamos o podcast da entrevista que lle fixemos a Pilar, Avelino e Josefa, tres residentes do Centro de Maiores Domus Vi, de Carballo, na que nos falaron de como vivian eles o Nadal na súa infancia.

Video-postal de Nadal_2ºB/3ºEP

Este pequeno vídeo de felicitación de Nadal vai dirixido con todo o noso cariño aos residentes do Centro de Maiores Domus Vi de Carballo cos que estivemos intercambiando cartas e postais. Foi unha experiencia moi bonita e ilusionante. 

Queremos dar as grazas especialmente a Tamara por ser a coordinadora desta actividade, a nosa ponte cos avós e avoas do Centro.

Cine e Museo LEGO_2ºB/3º EP

No día de hoxe vivimos unha xornada moi especial xa que nos desprazamos ata Carballo para ir ao cine, primeiro, e logo visitamos a Galería de Arte Garabato onde hai unha exposición de construcións LEGO feitas pola artista Wonderbricks (Flavia González).

Flavia atendíunos moi amablemente e explicounos de forma moi amena e detallada cada unha das preciosas maquetas que ten alí expostas. Outra parte da visita foi facer as nosas propias construcions con pezas LEGO no Taller creativo.

Esta exposición estará aberta ao público ata o 8 de xaneiro en horario de tarde. Moi recomendable para visitar en familia durante as vacacións de Nadal. Non volo perdades.

Preme na imaxe para ver máis fotos na galería

 

1º-2º-3º_Saída Casa das Ciencias

Premer na imaxe para acceder á galería de fotos, que inclúe vídeo

Rematamos a semana visitando a Casa das Ciencias de A Coruña para experimentar, vivenciar e complementar as tarefas integradas implementadas ao longo do mes de novembro: Mes da Ciencia en Galego nas Bibliotecas.

Unha visita que foi todo un éxito, desde a primeira á última planta, onde visualizamos no seu planetario unha produción audiovisual que nos levou da man de dous pequenos esquíos a coñecer diversos planetas e vimos o nacemento dun pitiño que loitaba por saír do ovo... cun pouquiño de axuda do exterior (ver vídeo na galería de imaxes da saída)

Esperamos volver da man das nosas familias, pois hai máis producións audiovisuais no seu planetario e dúas sesións especiais en directo, totalmente gratuítas, os últimos sábados do mes.

Feliz Mes da Ciencia en Galego nas Bibliotecas!

Aniversario Lector_Lucas 2ºB

Na aula de 2ºB/3º recibimos a mamá de Lucas para celebrar outro Aniversario Lector. Trouxeron un conto moi interesante titulado Tu cuerpo es tuyo de Lucía Serrano. 

Moitas grazas por vir e... MOITOS PARABÉNS, LUCAS!!

Experimentando!_2ºB/3º EP

Novembro é o mes da Ciencia en Galego nas Bibliotecas e o noso colexio converteuse nun gran laboratorio.  

O alumnado de 2ºB/3º preparou varios experimentos que vos amosamos a continuación. 

Partindo dos coñecementos que fomos adquirindo na área de Ciencias da Natureza sobre a materia, disolucións e mesturas preparamos unhas PIRULETAS DE CRISTAL. 

Ademáis, co tema da enerxía, animámonos a facer unha BATERÍA CON LIMÓNS que fose capaz de alumear unha pequena luz led. 

Podedes ver máis imaxes  do proceso clicando neste enlace: Experimentos 2ºB/3º

Aniversario lector_Maia 3°

Na aula de 2°B/3° volvemos a estar de celebración. Nesta ocasión é Maia quen fai hoxe 8 anos e veu a súa mamá compartir unha lectura con todos nós.

O libro elexido foi Mamá, de Helena Delforge, un fermoso conto de textos curtos que rinde homenaxe a todas as nais do mundo.

Grazas por vir! MOITOS PARABÉNS, Maia!!

Aniversario Lector_Anxo 3°

O pasado día 2 de novembro Anxo estivo de aniversario, nin máis nin menos que 8 anos. A súa nai e o seu pai achegáronse hoxe ata a nosa aula para compartir con todos nós un dos contos favoritos de Anxo: Inspector Cito y Chin Mi Edo: Intriga en la fábrica de paraguas. 

Un conto moi divertido.. Encantounos. 

Grazas por vir familia e MOITOS PARABÉNS, ANXO!

 

Lecturas Terroríficas. 2ºB/3º

Chegou unha das nosas semanas favoritas, a das Lecturas Terroríficas. A nosa aula preparou dúas actuacións: 

• 2º B_ Dramatización do conto Corre, corre cabaciña de Eva Mejuto. 
• 3º _ Adiviñas monstruosas de Gloria Sánchez. 

Deixámosvos os videos das actuacións para que vexades o ben que o fixeron. Noraboa a tod@s!

Se clicades neste enlace levaravos á galería de imaxes. 

Lecturas Terrorificas. 2ºB

Lecturas Terroríficas_3º