Conmemoramos o Día da Familia 2025 coas saídas, en familia, de cada un e cada unha de nós. Imaxes que forman parte do mural de centro, pechando o PDI que nos ocupou estes dous últimos cursos.
As imaxes falan por si soas, felices compartindo momentos en familia e se son na natureza... moito mellor!
Grazas familias, por compartir os vosos momentos con tod@s nós, e feliz día a todas!
As aulas de 1º e 2ºA realizamos unha saída a Mens e ao cabo de San Adrián de Malpica.
Unha xornada en contacto coa natureza, aproveitando o bo tempo despois de tantos días de chuvia, para celebrar a chegada da primavera, capturar imaxes para o Galicómic de 1º e gravar as pezas audiovisuais do DichoLeo de 2ºA.
Encantounos xogar e correr entre as flores, buscar minerais por San Adrián e mesmo ver algún barco faenando cerca das Illas Sisargas.
Un privilexio vivir e educarnos no rural, gozando da natureza e da paisaxe!
