O pasado venres 26 de xaneiro os grupos de 2º, 3º e 4º de Educación Primaria, participaron na carreira de Cros que se celebrou en Carballo.
Foi unha bonita experiencia onde os nenos e nenas puxéronse a proba e desfrutaron dunha nova experiencia facendo deporte.
Esta actividade encádrase dentro do Plan Proxecta "Proxecto de Vida Activa e Deportiva (PVDA), no cal o noso centro participa por primeira vez dende o programa XOGADE, impulsado pola Xunta de Galicia.
Parabéns a todos e todas e facemos unha mención especial a Antía C de 4º de Primaria. e Alexia V. de 2º de Primaria que lograron clasificarse para a seguinte rolda e Martín M. de 3º de Primaria como gañador da carreira da súa categoría.
Ligazóns da prensa:
https://www.carballo.org/novas.php?id=9272&idioma=gl&sec=30
CLASIFICACIÓN:
https://atletismo.gal/wp-content/uploads/2024/01/RCARBALLO260124.pdf
Compartimos imaxes desta festa deportiva na que participaron preto de 1000 nenos e nenas da Comarca de Bergantiños facendo click na de abaixo:
O alumnado de 1º e 2º de E.P. felicitou estas festas a diferentes colectivos, como a Residencia de Persoas Maiores de Carballo e a Asociación do Fogar do Pensionista de Malpica, como parte da actividade proposta dende a Biblioteca do centro dentro do PDI deste ano, "Medicus curat, natura sanat". E con este vídeo tan emotivo que realizaron queremos felicitar a todas as familias da nosa comunidade educativa.
BO NADAL E FELIZ 2024!
Pola súa parte, a Asociación Fogar do Pensionista de Malpica devolveunos un vídeo felicitando ao noso alumnado, ademais de proxectalo o venres pasado nas súas instalacións. Moitísimas grazas pola vosa colaboración:
Hoxe é o aniversario de Anxo, 7 anos cumpre xa!!! Os seus pais animáronse a participar no programa ANIVERSARIO LECTOR compartindo a lectura dun conto co alumnado de 1ºB/2º de Primaria.
O conto elexido foi Cocorico, de Marisa Núñez. Editorial OQO. Un clásico xa pero que nunca nos cansamos de escoitar.
Grazas por vir!!
MOITOS PARABÉNS, ANXO!.
Os nenos e nenas de 2º de Primaria. na semana de Lectura Terroríficas, recitaron dous poemas extraídos de O libro dos medos. de María Canosa Blanco.
Deixámosvos estes dous vídeos da súa actuación.
Este mércores 14 de xuño as aulas de 1º, 2º e 3º de primaria viaxamos ata o concello de Outeiro de Rei para visitar o zoo de Marcelle. Unha excursión inolvidable na que aprendemos e disfrutamos moito grazas, en parte, aos guías que conduciron esta visita.
Picando nesta imaxe podedes ver máis fotos da xornada.
Boa tarde a todos e a todas!
Seguindo co proxecto Tras das pegadas romanas, elaboramos un cómic sobre a romanización de Galicia.
Para gravar estas escenas, visitamos o espazo do chroma e caracterizámonos para a ocasión. No noso galicómic representamos a chegada dos romanos a Galicia, a loita cos galaicos, a vitoria dos romanos e as diferentes construcións que estes foron facendo polo noso territorio.
Esperamos que vos guste!
Boas a todos e a todas!
Hoxe o alumnado de 1º e 2ºEP visitamos o Dolmen de Dombate, monumento megalítico de hai mais de seis mil anos no que existen dous túmulos. O túmulo principal ten 24 metros de diámetro e 1,8 metros de altura e conta con importantes restos artísticos.
Esta visita complementámola cun obradoiro de pintura onde puidemos ver como vivían as persoas neses tempos, como eran as súas vivendas, as ferramentas que empregaban e como conseguían as cores para pintar. Para finalizar, fixemos un mural propio que pronto teremos na parede da aula.
Se queredes máis información convidámosvos a consultar o seguinte catálogo: Dolmen de Dombate: arqueoloxía, restauración, arquitectura.
Pica na seguinte imaxe para ver as fotografías da actividade.
Boas a todos e a todas!
Despedimos este primeiro trimestre cunha selección de fotografías de todos os adornos de Nadal que viñemos facendo estes días.
Pica na seguinte imaxe para velas!
Boas a todos e a todas!
Seguimos traballando a alfabetización informática a través da programación gracias a un obradoiro impartido pola profe Marta.
A pasada semana tivemos un novo achegamento coas placas Micro:bit.
Durante esta sesión formativas coñecimos a linguaxe de programación a través da plataforma Makecode (moi parecida a Scracht) e configuramos cada placa con luces leds e mensaxes ("Bo Nadal de parte de 1º e 2º de primaria"). Esta placa fará de adorno para a árbore de Nadal do centro.
O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo e creando.
Pica na imaxe para ver máis fotografías da actividade.
Boas a todos e a todas!
Ao longo desta semana, viñemos traballando arredor do Día Internacional contra a Violencia de Xénero (25 de novembro).
Partindo do libro Artur e Clementina de Adela Turin vimos que a violencia non só queda reducida ao maltrato físico, se non que tamén existen outros tipos de violencia. A partires disto, fomos facendo unha choiva de palabras contrarias á violencia, as cales escribimos nunhas plumas para crear estas ás que simbolizan a liberdade de dereitos, de oportunidades …
Pica na imaxe para ver máis fotografías da actividade.
No día de hoxe, @s nen@s de E. Infantil, 1º, 2º e 3º de E. Primaria acudiron ao Centro Cívico para desfrutar da actuación de Teatro Ghazafelhos con Iriña bailarina.
Unha obra baseada no libro, de mesmo título, de Cristina Justo e Paloma Rodríguez. Exemplar editado por Embora dentro da colección "A igualdade conta" para dar tratamento á igualdade de xénero e aos estereotipos sociais. Premendo na imaxe accederedes ao exemplar rexistrado no catálogo da nosa Biblio.
Agradecemos á ANPA Ventorrillo a xestión e organización dunha actividade complementaria que nos permite seguir dinamizando cultura, educando en valores de vida... porque seguimos querendo cambiar o conto.
Boas a todos e a todas!
Onte tivemos a visita de Celtia Figueiras (produtora, directora, actriz e escritora) de A Xanela do Maxín, quen nos trouxo un espectáculo de monicreques sobre o conto Lúa quere viaxar a Marte (neste enlace podedes volver a escoitar ou descargar o audio-conto).
“Despois de dar a volta ao mundo, Lúa
sorprende a familia e as amizades cunha gran nova: agora quere ir a Marte!
Malia todos os atrancos e dificultades, Lúa non está disposta a renunciar ao
seu soño de ser astronauta e fará todo o posible para logralo e poder viaxar ao
planeta vermello”.
Unha gran historia e unha boa actividade para fomentar a igualdade de oportunidades entre homes e mulleres.
Pica na imaxe para ver máis fotografías da actividade.
Boas a todos e a todas!
A pasada semana, Leo deixounos un escrito para animarnos a que, de aula en aula, escribísemos unha historia arredor de Galicia onde a máquina de escribir fose a ferramenta empregada.
Sen medo a errar, como ela nos di, puxémonos mans á
máquina para seguir a historia que xa comezaran os nosos compañeiros e
compañeiras de Educación Infantil e 1º de Educación Primaria…
Boas a todos e a todas!
Ao longo deste trimestre, na área de Valores Sociais e Cívicos, viñemos traballando arredor das emocións.
Para iso, empregamos o libro El emocionómetro del Inspector Drilo de Susanna Isern, onde fomos descubrindo cada unha das emocións a través dos casos deste inspector tan particular.
Pica na imaxe para ver máis fotografías da actividade.
Hoxe realizamos a primeira saída escolar do curso ao MELGA (Museo Etnolúdico de Galicia), en Ponteceso. Tivemos unha visita guiada da man do seu fundador: Ricardo Pérez y Verdes, un home entusiasta que nos ensinou parte dos 4.000 xoguetes que alberga o museo e algún que outro xogo.
Foi unha xornada que disfrutamos moito, moi divertida e didáctica.
Preme na imaxe para acceder a galería.
