25.11.22

2ºEP - 25 N: Ás contra a violencia

Boas a todos e a todas!

Ao longo desta semana, viñemos traballando arredor do Día Internacional contra a Violencia de Xénero (25 de novembro).

Partindo do libro Artur e Clementina de Adela Turin vimos que a violencia non só queda reducida ao maltrato físico, se non que tamén existen outros tipos de violencia. A partires disto, fomos facendo unha choiva de palabras contrarias á violencia, as cales escribimos nunhas plumas para crear estas ás que simbolizan a liberdade de dereitos, de oportunidades …

Pica na imaxe para ver máis fotografías da actividade.



24.11.22

1º e 2º EP - TEATRO: Iriña Bailarina

No día de hoxe, @s nen@s de E. Infantil, 1º, 2º e 3º de E. Primaria acudiron ao Centro Cívico para desfrutar da actuación de Teatro Ghazafelhos con Iriña bailarina.

Unha obra baseada no libro, de mesmo título, de Cristina Justo e Paloma Rodríguez. Exemplar editado por Embora dentro da colección "A igualdade conta" para dar tratamento á igualdade de xénero e aos estereotipos sociais. Premendo na imaxe accederedes ao exemplar rexistrado no catálogo da nosa Biblio.

Agradecemos á ANPA Ventorrillo a xestión e organización dunha actividade complementaria que nos permite seguir dinamizando cultura, educando en valores de vida... porque seguimos querendo cambiar o conto.


Leo.

23.11.22

1º e 2º EP - Lúa quere viaxar a Marte.

Boas a todos e a todas!

Onte tivemos a visita de Celtia Figueiras (produtora, directora, actriz e escritora) de A Xanela do Maxín, quen nos trouxo un espectáculo de monicreques sobre o conto Lúa quere viaxar a Marte (neste enlace podedes volver a escoitar ou descargar o audio-conto). 

“Despois de dar a volta ao mundo, Lúa sorprende a familia e as amizades cunha gran nova: agora quere ir a Marte! Malia todos os atrancos e dificultades, Lúa non está disposta a renunciar ao seu soño de ser astronauta e fará todo o posible para logralo e poder viaxar ao planeta vermello”.

Unha gran historia e unha boa actividade para fomentar a igualdade de oportunidades entre homes e mulleres.

Pica na imaxe para ver máis fotografías da actividade.



2º EP - Nós... tamén escribimos!

Boas a todos e a todas!

A pasada semana, Leo deixounos un escrito para animarnos a que, de aula en aula, escribísemos unha historia arredor de Galicia onde a máquina de escribir fose a ferramenta empregada.

Sen medo a errar, como ela nos di, puxémonos mans á máquina para seguir a historia que xa comezaran os nosos compañeiros e compañeiras de Educación Infantil e 1º de Educación Primaria…


Pica na imaxe se queres ver máis fotografías da actividade.


14.11.22

2ºEP - Emocionómetro

Boas a todos e a todas!

Ao longo deste trimestre, na área de Valores Sociais e Cívicos, viñemos traballando arredor das emocións. 

Para iso, empregamos o libro El emocionómetro del Inspector Drilo de Susanna Isern, onde fomos descubrindo cada unha das emocións a través dos casos deste inspector tan particular.

Pica na imaxe para ver máis fotografías da actividade.



10.11.22

MELGA_1º e 2º EP

Hoxe realizamos a primeira saída escolar do curso ao MELGA (Museo Etnolúdico de Galicia), en Ponteceso. Tivemos unha visita guiada da man do seu fundador: Ricardo Pérez y Verdes, un home entusiasta que nos ensinou parte dos 4.000 xoguetes que alberga o museo e algún que outro xogo. 

Foi unha xornada que disfrutamos moito,  moi divertida e didáctica. 

Preme na imaxe para acceder a galería. 




 

7.11.22

EDUsaúde_1º e 2º de EP

Bo día, 

Na xornada de hoxe o 1º ciclo de primaria participou nun obradoiro sobre saúde e boas prácticas nutricionais enmarcado no Contrato Programa INNOVA_EDUsaúde

Deixámosvos algunhas imaxes do día. 

Pica para acceder á galería



4.11.22

1º e 2º EP - Magosto

Boas a todos e a todas!

No día de hoxe gozamos dunha xornada chea de xogos tradicionais, castañas e música en directo!

Pica na seguinte imaxe para ver as fotografías do Magosto.

3.11.22

1º e 2º EP - XANDOBELA: xogando co patrimonio

Boas a todos e a todas!

Na xornada de hoxe recibimos a visita de Nerea, pedagoga e educadora social de Xandobela, para levar a cabo unha actividade enmarcada dentro do proxecto "Xogando co Patrimonio": "Pegadas do noso".

Esta proposta xira ao redor do patrimonio cultural inmaterial galego (traxes, lendas, adiviñas, música...) desde unha perspectiva participativa e lúdica. Con este proxecto, buscan espallar o noso patrimonio inmaterial entre as xeracións máis novas, para coñecelo, difundilo, revalorizalo e facelo propio.

Pica na imaxe para ver máis fotografías.



28.10.22

2ºEP - FELIZ SAMAÍN!!!

 


1º e 2º de EP - Experiencias Sensoriais no Samaín

Bo día a todos e a todas!

Hoxe, para conmemorar o Samaín, o alumnado de 1º e 2º de EP visitamos a aula sensorial para realizar varias actividades relacionadas con esta festividade: baleirado de cabazas, pantasmas de flocos de millo, escenas terroríficas creadas con pezas imantadas, pocións, pintado de cabazas

Queres ver as imaxes? Pica na seguinte fotografía.



27.10.22

Un Samaín para comelo_1º de Primaria

O alumnado de 1º de Primaria pasou hoxe polo laboratorio de cociña para elaborar dúas receitas moi acaídas para estos días: ovos recheos con arañas e sandwich mostruoso. 

Anteriormente escribimos as receitas cos ingredientes e materiais necesarios así como os pasos que debíamos seguir para a súa elaboración. 

Deixámosvos algunhas imaxes desta actividade. 

Preme na imaxe para acceder á galería






25.10.22

2ºEP - O monstro das Sisargas

Boas a todos e a todas!

Este curso abrimos o blogue co Samaín e coa XIII Semana das Lecturas Terroríficas.

Ao longo destas semanas vimos preparando un Kamishibai dun conto de produción propia baseado no libro Onde viven os monstros de Maurice Sendak.

Despois de adaptar o texto, realizar as ilustracións e montar o Kamishibai, creamos a historia “Os monstros das Sisargas”, e hoxe, na hora de ler presentámolo diante de todos os nosos compañeiros e compañeiras da man de Martina e Rita.

Aquí tendes unhas imaxes.







O HOME DO SACO_1º de Primaria

Hoxe dou comezo a XIII semana das Lecturas Terroríficas na nosa Biblioteca Escolar e a aula de 1º de primaria presentou un video que vos amosamos a continuación. 

Fixemos unha adaptación do conto O home do saco de Enric Lluch. 

Preme na imaxe para acceder ao vídeo




7.10.22

Que me contas? 1º de Primaria

O pasado 3 de outubro a biblioteca escolar abríu un curso máis as súas portas. Era un día esperado por todo o alumnado do centro. 

Esta imaxe corresponde ao primeiro día no que os nenos e nenas de 1º elexían un conto para levar as súas casas e compartir coas súas familias durante unha semana. Esta actividade enmárcase dentro do programa de animación á lectura QUE ME CONTAS?

A cova na que se refuxian para ler é a estrutura de vimbio que fixemos o curso pasado entre todo o alumnado do centro, coa participación tamén das familias que poideron e quixeron achegarse. 



23.9.22

Novos proxectos, novas ilusións_1º EP

Comezamos un novo curso escolar e con él novas ilusións e novos proxectos. O alumnado de 1º de primaria atopou fai uns días un insecto moi peculiar no patio que lles chamou moito a atención resultando ser unha mantis relixiosa. 

Alexia  tamén nos trouxo ao colexio unha bolboreta morta dentro dun frasco transparente e aproveitamos para observala cun microscopio. 

Estas dúas anécdotas animounos a investigar e aprender máis sobre o mundo dos insectos. Amosamos algunhas da fotos do traballo que estamos a desenvolver estos días. 

Pica na imaxe para acceder á galería. 






16.6.22

6ºEI - 1ºEP - 2ºEP - Saída ao MUNCYT

Boas a todos e a todas!

Na xornada de onte realizamos a visita que tiñamos prevista ao MUNCYT de A Coruña

Nada máis entrar recibíronnos cunha avioneta colgada sobre as nosas cabezas, aspecto que nos sorprendeu e que nos fixo ver que a visita nos ía gustar. Unha vez dentro...non defraudou! Puidemos ver diferentes utensilios e máquinas na sala do Século XX (unha das primeiras televisións, unha das primeiras lavadoras, o primeiro ordenador, motos, coches, as partes dun avión real...) e o que máis nos gustou: puidemos entrar dentro dun avión e visitar a cabina do piloto! E non era un avión calquera, este avión era o máis grande daquela época e foi moi importante porque nel viaxou o Guernica de Picasso desde Nova York ata Madrid no 1981.

Para finalizar a nosa visita, desprazámonos ata a Torre de Hércules para merendar, aínda que a brétema nos dificultou un pouco poder gozar das vistas.

Preme na imaxe para ver máis fotografías da visita.



2ºEP - Retos no Leolab

Boas a todos e a todas!

A pasada semana visitamos de novo o Leolab para levar a cabo unha iniciativa do Equipo de Ideas: Retos no Leolab. 
Clasificados por cores segundo a dificultade, contamos con diversos retos para levar a cabo con todos os recursos que podemos atopar no Leolab.

Preme na imaxe para ver máis fotografías.



9.6.22

Retos no LEOLAB. 6º EI/1ºEP

Hoxe volvemos visitar o LEOLAB porque nos quedaron moitos RETOS  pendentes de facer e tiñamos moita curiosidade. 

Grazas ao Equipo de Ideas do cole por tan boa iniciativa. 

Estas son algunhas das imaxes do día.







7.6.22

6ºEI - 1ºEP - 2ºEP - Saída ao Centro de Artesanía e Tradición (CAT)

Boas a todos e a todas!

No día de onte realizamos a visita ao Centro de Artesanía e Tradición de Buño. Alí, ensináronnos a sala “Non canto por cantar”, inaugurada recentemente. Nela, reúnense imaxes, traxes… da historia da música e do baile do municipio. Ademais, tamén puidemos visitar unha sala dedicada á pesca, onde vimos as artes de pesca, as embarcacións, a evolución nos utensilios empregados para faenar... e outra dedicada ao barro (como se consegue o barro, utensilios empregados, o forno...).

Velaquí tendes unhas imaxes da saída. Pica na imaxe para poder velas.  



2.6.22

Xogo 3R - Choiva de tapóns

Boas a todos e a todas!

Este mes levamos a cabo a proposta do Equipo Creativo para o Laboratorio de Ideas: a creación dun xogo a partires de materiais de refugallo. Unha proposta enmarcada dentro da conmemoración do Día do Medio Ambiente.

Para a realización do noso Xogo 3R comezamos facendo unha pequena indagación nos libros da nosa Biblioteca e traballando o texto instrutivo na área de Lingua Galega. Ademais, aproveitando que na área de Matemáticas estabamos traballando os corpos xeométricos, aprendemos a montar o noso propio cubo, creando así o dado para o noso xogo: Choiva de tapóns.

Picando na seguinte imaxe poderedes ver as fotografías do proceso.




1.6.22

Retos no LEOLAB_1º Primaria

Fai uns días visitamos o LEOLAB e atopamos unha serie de retos aos que nos tivemos que enfrontar por equipos. Os retos escollidos xiraban arredor da xeometría e fomos quen de superalos todiños. 

Queda pendente pasarnos outro día para realizar outros retos que preparou o Equipo de Imaxe. 

Prema na imaxe para entrar na galería. 



30.5.22

TOUPICIENCIA SHOW

 

 A pasada semana, o alumnado de 4º E.Infantil a 2º de E. Primaria disfrutou na biblioteca dun espectáculo moi divertido da man de Toupiciencia e o seu axudante Petronio.

Realizaron experimentos que nos achegaron ó método científico de forma dinámica e facendo maxia, xa que a súa labor é ir polos coles buscando ós futuros científicos e científicas.


Foi unha actuación espectacular onde o pasamos xenial, Moitas grazas ó Consorcio por traer á Xanela do Maxín ó noso centro!!!!


Premer na imaxe para acceder á galería


19.5.22

Malpica, vila baleeira

Hoxe foi unha día especial de cole xa que os nenos e nenas de 6º de Infantil e 1º e 2º de Primaria  fomos de excursión á vila de Malpica. Camiñamos ata o mirador privilexiado da atalaia para coñecer parte da nosa historia da man do mestre xubilado Xurxo Alfeirán. 

Seguimos deste xeito mergullándonos no PDI deste curso_NÓS: patrimonio in-MATERIAL.

En Malpica, fai 300 anos aproximadamente, cazaban baleas que pasaban pretiño da nosa costa, tras as illas Sisargas. Derretían a graxa para fabricar saíl  que era un tipo de aceite que servía para o alumeado das casas e rúas. A graxa tamén servía para a fabricación de xabón e o curtido de peles. 

Aprendemos vocabulario novo como talieiro, arpoeiro, mareante, chalupa, motila, saíl...

Tamén visitamos a Casa do Pescador, actual Fogar dos pensionistas, onde vimos os cadros, lámparas e outras obras que o pintor Urbano Lugrís deixou no seu paso por Malpica, fai máis de 60 anos. 

Nun deses cadros aparece escrito un texto que fai referencia ao pasado baleeiro da nosa vila

En tempos, os fortes homes de Malpica cazaban a balea por lonxanos mares.

Picando nesta imaxe podedes ver máis fotos desta xornada.




13.5.22

2ºEP - Día das Letras Galegas

Boas a todos e a todas!

Estes días estivemos investigado sobre a vida e obra de Florencio Delgado, avogado e escritor ao que se lle dedica este ano o Día das Letras Galegas. Ademais de ler a súa historia, tamén realizamos algunha actividade interactiva para coñecelo un pouco máis.

Para darlle identidade a este día e conmemorar a nosa lingua, elaboramos un poema arredor dunha imaxe de Malpica no 1930. Aquí o tendes!


Pica na imaxe para ver máis fotografías do proceso.



2ºEP - Plantando árboles con pinceles

Boas a todos e a todas!

No día de onte, levamos a cabo a actividade enmarcada dentro do proxecto “Plantando árboles con Pinceles” de Afundación. Este proxecto traballa o coidado medioambiental a través da realización de murais artísticos, colaborativos e ecolóxicos en centros educativos. Para a realización destes murais, e tamén das nosas bolsiñas, empréganse pinturas fotocatalíticas anticontaminación (absorben o CO2 do ambiente).

Pica na imaxe para ver as fotografías da actividade.



Coida do medio, coida do noso!

9.5.22

2ºEP - As nosas plantas

Boas a todos e a todas.

Para rematar o tema das plantas, comezamos este trimestre plantando diferentes sementes. Nun primeiro lugar, observamos diferentes clases de sementes (tamaño, forma, tipo…). Despois, escollemos a semente para plantar e vimos o proceso de xerminación.

Hoxe xa temos algún brote e esperamos que ao longo destes días vaian saíndo todos. Segundo vaian crecendo iremos completando a nosa folla de seguimento (data na que plantamos a semente, medida da semente, días que humedecemos a terra, data na que se viu o primeiro brote, debuxo da folla…).

Pica na imaxe para ver as fotografías da actividade.



4.5.22

Concerto de Lydia Botana

 

 Hoxe o alumnado de infantil e 1º ciclo de Educación Primaria, gozamos do concerto de Lydia Botana no Centro Cívico, co espectáculo De Aquí para alá, organizado polo Concello de Malpica, no que acompañamos a unha bolboreta pola súa viaxe ó redor do mundo.



Premer na imaxe para acceder á galería


Foi moi divertido, colorido e escoitamos unha grande variedade de instrumentos!!!!!!!!!!

25.4.22

6ºEI - 1ºEP - 2ºEP - Día do Libro

Boas a todos e a todas!

Para conmemorar o Día do Libro (23 de abril) realizamos unha lectura ao aire libre en diferentes puntos de Malpica.

Para a lectura escolléronse dous libros de poemas que se atopan no Plan Lector deste curso: Cancións para Ana Lúa de Xavier Seoane (6ºEI e 1ºEP), e Canta, miña rula, canta de Antonio García Teijeiro (2ºEP).

Pica na imaxe para ver todas as fotografías da actividade.



7.4.22

2ºEP - Actividades de aula do 2º trimestre

Boas a todos e a todas!

Para despedir este trimestre, déixovos unha recompilación de fotografías de diferentes actividades que levamos a cabo no día a día na aula.

Pasade boa Semana Santa!

Pica na imaxe para ver máis fotografías.



2ºEP - Proxecto Terra

Boas a todos e a todas!

Hoxe convertémonos por un momento en Inspectores Urbanísticos! Si, si, Inspectores! Dentro do Proxecto Terra levamos a cabo unha actividade desenvolta pola Axencia de Protección da Legalidade Urbanística (APLU). Na xornada de hoxe vimos as características da nosa paisaxe, os elementos naturais e os elementos humanizados, e como, en moitas ocasións, as persoas estragamos o entorno con construcións que non se poden facer.

 Pica na imaxe para ver as fotografías da actividade.


 “Coida do territorio. Coida do teu”.

6.4.22

Entrevista a Tania, nai de Gabi, redeira de Malpica.

Entrevista en Radio Balea do alumnado de 1º de primaria a Tania,  nai do noso compañeiro Gabi co motivo da conmemoración do día internacional da muller traballadora.






30.3.22

6ºEI - 1ºEP - 2ºEP - Saída ao Ecomuseo Forno do Forte

Boas a todos e a todas!

Na xornada de hoxe, o alumnado de 6ºEI, 1ºEP e 2ºEP, desfrutou da visita ao Ecomuseo Forno do Forte situado en Buño. Alí, repartímonos en dous grupos para poder realizar a visita guiada, da man de Lola, e o obradoiro de barro, da man do oleiro Tonio.

Lola ensinounos como vivían as persoas nas diferentes casas que conforman o museo, que durmían nunha mesma habitación ata doce persoas, que non había baño nin auga corrente... vimos as lareiras, os fornos para o pan, como conseguían o barro e o gran forno para cocer as pezas elaboradas. Todo isto nunhas pequenas casas de pedra con solos de madeira que hai que pisar lixeiriños.

Por outra banda, Tonio mostrounos como traballar o barro e axudounos a elaborar as pezas que levaremos para casa dentro dunhas semanas.

Foi unha visita que nos encantou e que desfrutamos moito!

Para ver as imaxes da actividade pica na seguinte fotografía.




25.3.22

2ºEP - Valentina

Boas a todos e a todas!

No día de hoxe acudimos ao Centro Cívico para ver a película “Valentina”, unha nena que soña con ser trapecista e que pensa que non poderá chegar a selo por ter Síndrome de Down.

“Se as eirugas conseguen converterse en bolboreta, nada é imposible!”



24.3.22

2ºEP - Entrevista polo Día Internacional da Muller 2022

Boas a todos e a todas!

Xa temos aquí a nosa entrevista polo Día Internacional da Muller!

No día de onte, todos os nenos e nenas da aula foron pasando pola nosa radio para elaborar unha entrevista a unha muller traballadora. Esta muller falounos un pouco sobre o seu traballo, a parte máis bonita e tamén a menos bonita (aínda que deixou algunha cousiña sen contar para que non nos puxeramos tristes).

Noela, grazas por vir á Radio Balea e responder a todas as nosas preguntas! Tamén quedamos moi contentos/as cos agasallos que nos trouxeches ;)


Pica na imaxe para ver máis fotografías:



2º EP - Booktubers

Boas a todos e a todas!

Este curso xa comezamos a gravar algún Booktuber. Invítovos a que piquedes na seguinte imaxe para ir ao blogue Leohle para velos (ou en cada un dos seguintes enlaces). Segundo se vaian gravando, iranse colgando todos. Ata o momento están os seguintes:

                                             

12.3.22

Formación con Julia de la Cal: estrutura de vimbio

Un curso máis, a Asesoría de Bibliotecas Escolares, concedeunos aos centros do Plan LIA.2 unha formación dentro do programa Biblioteca Creativa, este ano dirixida ao alumnado, ás familias e en xeral a toda a comunidade educativa.

Dentro das moitas actividades ofertadas, moi interesantes e funcionais, decidímonos pola realización de obradoiros para a creación dunha estrutura de vimbio con Julia de Cal; xa que dentro do PDI NÓS: patrimonio in-MATERIAL!,  neste trimestre traballamos os oficios tradicionais de Malpica e Costa da Morte, e en marzo dirixido ao traballo realizado por Mulleres. 

Foi unha actividade moi enriquecedora, de forma que ao remate das xornadas conseguimos, co traballo en equipo, un espazo de vimbio para o tempo de lecer, de lectura, de tranquilidade e de xogo, un produto realizado entre tod@s e para tod@s, como comunidade educativa que somos.

Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo. 

Agradecer á Asesoría esta oportunidade de aprendizaxe, a Julia de la Cal por achegarnos un oficio tradicional tan bonito e pola súa implicación; así como a todas as familias que puideron vir ao cole para colaborar con nós, INFINITAS GRAZAS!!!!


11.3.22

2ºEP - Día Internacional da Muller

Boas a todos e a todas!

Como todos os cursos, chegado o 8M conmemoramos o Día Internacional da Muller. Este ano levamos a cabo dúas actividades:

  • Entrevistas a mulleres traballadoras: desde as casas colaboráchedes para que o alumnado puidera facer unha pequena entrevista a unha muller traballadora coñecida para eles/elas. Esas entrevistas foron compartidas en clase posteriormente. 
  • Visita á exposición "Muller tiña que ser" elaborada polo alumnado de 6ºEP: acercámonos ao segundo andar para indagar sobre algunha das imaxes de mulleres que se atopaban no mural (quen eran?, que fixeron? por que foron importantes?).
Pica na imaxe para ver máis fotografías.