Nestes últimos días de curso recibimos a visita da mamá de Daniela e de Alba, a irmá de Alberto, que viñeron celebrar con eles o Aniversario Lector.
Os contos que tivemos o pracer de escoitar e que tan ben preparon foron La zampapantallas de Helen Docherty e O coelliño Branco de Xosé Ballesteros.
Felicitamos por adiantado a Daniela e a Alberto polo seu aniversario que coincidirá coas vacacións do verán.
Grazas ás familias pola súa colaboración!! Agardámosvos para o curso que vén!!
O pasado luns fixemos unha búsqueda do tesouro por Seaia. Cada alumno levaba un mapa que tiña sinalado 5 lugares de Seaia onde atoparían unha pista, que era unha fotografía cunha letra por detrás. Finalmente, o sitio onde tiña que buscar o tesouro era no patio do cole e que alegría máis grande cando o atoparon. Podedes ver todas as fotos da xornada premendo no seguinte enlace: Búsqueda do tesouro.Búsqueda do tesouro.
O pasado mércores 5 de xuño conmemoramos o Día do Medio Ambiente con múltiples actividades, entre elas a creación dun retallo natural, cun eslogán a favor do coidado da natureza e un circuirto E-téxtil.
Na clase de 1º E.P. fomos o leolab a traballar cun make-make sobre a reciclaxe, cunha persoaxe de protagonista moi coñecida xa para nos, como era octoplástico.
Finalmente o eslogán elexido foi "Coida o planeta é o único fogar que temos", iluminamos esa casa co circuito E-téxtil e cada un dos alumnos/as decorou a casa do planeta terra.
Este ano para o Festival das Letras Galegas a clase de 1º A de E.P. preparou unha serie de chistes saudables, en concordancia co PDI do centro deste ano. Aquí vos deixamos a actuación para que botedes unhas risas (aínda que algúns son moi malos):
Ainda que sabemos que neste 2024 a escritora homenaxeada polo Día das Letras Galegas é Luisa Villalta, a aula de 1ºB e 2º de Primaria quixemos ter unha lembranza moi especial a un dos poetas máis importantes das nosas letras: Manuel María xa que este ano se cumplen 20 anos do seu falecemento.
Escollemos tres poemas do seu libro de poesía infantil Os soños na gaiola e gravamos estes vídeos que podedes ver picando no enlace.
Esperemos que vos gusten! Vivan as nosas letras!
As nosas compañeiras Rosalía e Sara celebraron o seu 7 aniversario con poucos días de diferencia.
Achegouse ata o cole a mamá de Rosalía para lernos o conto Tonino, escrito por Miguel Salas.
No caso de Sara, foi a súa prima Isa a que se achegou para ler con ela o conto La estrella de Laura, de Klaus Baumgart.
Fermosos os dous contos elexidos. Gustáronnos moito. Grazas por vir. E...
MOITOS PARABÉNS DE NOVO, ROSALÍA E SARA!!
Hoxe celebramos o Día do Libro cunha lectura polas rúas de Malpica e engadimos un pícnic saudable, con galletas de avea feitas pola clase de 1º e 2º E.P. e batido de froitas elaborado na clase de 1º E.P. Fumos ata o mirador da Atalaia, lugar que moitos nenos e nenas non coñecían, ata o porto, a fonte do Concello e a praia, unha gran xornada de lectura, onde tamén poidemos facer unha fotos preciosas que podedes ver premendo no seguinte enlace: Día do Libro.
No día de hoxe o alumnado de 1º B e 2º de Primaria estivemos na aula de cociña elaborando unhas ricas e saudables galletas de avea que levaremos mañá de merenda durante a actividade LECTURA NA RÚA!, co gallo do Día do Libro.
Picade na imaxe para acceder á galería de fotos.
O pasado xoves na clase de 1º E.P. realizamos un obradoiro de medidas de pesa onde o alumnado puido experimentar con diferentes balanzas, pesar obxectos en gramos, buscar polo cole obxectos que pesaran en kilos... podedes ver todas as imaxes premendo no seguinte enlace: pesos.
Hoxe visitamos o Laboratorio de cociña da man do profe Iván para realizar un obradoiro de medidas de peso que estamos aprendendo na área de Matemáticas.
Repartidos por grupos, fomos rotando polas diferentes estacións. Nunha, tiñamos que representar o peso de diversos animais cos carteis dos diferentes pesos. Noutra, medimos obxectos e alimentos que trouxemos da casa estes días e no último, tiñamos que pesar e comparar o peso de animais de xoguete.
Aquí vos deixamos algunha imaxe da xornada. Picade na foto para acceder á galería
Repasamos a clasificación dos animais a través dunha tarefa integrada, que consistía na búsqueda dun animal que se adecuara as características dadas, cada neno/a tiña un diferente, podías ser vertebrado e carnívoro, vivíparo e omnívoro... Unha vez atopan o animal o debuxaban nunha tarxeta que sería a que iba formar o taboleiro para o novo robot. Tedes todas as imaxes da actividade no seguinte enlace: animais.
