21.12.21

Xa está aquí o Nadal! 1º EP/6º EI

Nestas imaxes podedes ver algunhas das actividades que fixemos para recibir o Nadal, como a elaboración de galletas, os adornos naturais ou a visita do Carteiro Real, que veu buscar as cartas que lle escribimos aos Reis Magos. 




6ºEI - 1ºEP - 2ºEP - Polo Nadal

Boas a todos e a todas!

Presentamos... Nadal no Milladoiro!

Un produto audiovisual coordinado polo mestre de Música, Alfonso, para festexar o Nadal no Milladoiro.

Felicitamos @s nen@s polo gran traballo realizado, por transmitirnos día a día a súa ilusión e felicidade a pesares de todos os protocolos sanitarios que debemos cumprir.

Felicitar ao mestre Alfonso polo gran traballo de organización, produción e edición para poder vernos tod@s xunt@s nun Nadal no que seguimos sen ter "normalidade", pero que nunca nos falte un sorriso, unha canción que cantar e bailar.

Un fermoso agasallo nun Nadal singular.






















2°EP - Adornos de Nadal

Boas a todos e a todas!

Deixamos aquí unha recompilación de imaxes de todos os adornos de Nadal que elaboramos este curso. Desexamos que vos gusten!

Pica na imaxe para ver máis fotografías.


20.12.21

EI - 1°EP - 2°EP - VISITA DO CARTEIRO REAL

Hoxe recibimos unha visita moi especial: O CARTEIRO REAL!!!!!!

Xa que os Reis Magos teñen moito traballo, enviaron ó seu carteiro real a recoller as cartas que con tanta ilusión fixemos. 

Os peques de 4º e 5º EI esperamos con moito nervio na biblioteca, xa que o carteiro e a súa axudante estaban na aula de 1º e 2º de Primaria.

Tras entregarlle as nosas cartas e as dos compis que hoxe non puideron vir á escola, recibimos unhas deliciosas chuches por ser moi bos e boas e por esforzarnos e traballar tanto este trimestre.

Pica na imaxe para ver máis fotografías.

FELICES FESTAS A TOD@S!!!!!

No Nadal gústanos agasallar. 6º EI/1ºEP

Como remate deste primeiro trimestre propuxénonos celebrar o Nadal agasallando aos compañeiros e compañeiras de 3 anos cun xogo sobre os medios de transporte que elaboramos entre todos e todas. Porque no Nadal gústanos compartir e agasallar!! 

BO NADAL E FELIZ 2022!!


Premede na imaxe para acceder á galería






19.12.21

6°EI - 1°EP - 2°EP - Contos e cantos con Teresa dos Cucos

Como remate deste 1º trimestre escolar no que puxemos o acento na tradición oral de Malpica tivemos a honra de que nos visitase Teresa dos Cucos, unha veciña do lugar de Pontella que vén de recibir a distinción de Mestra da Memoria 2021, galardón que cada ano a AELG outorga a aquelas persoas que contribúen a manter viva unha parte fundamental da nosa memoria colectiva e saber popular.

O alumnado de 5º de primaria entrevistouna na nosa Radio Balea e despois foi recibida polos nenos e nenas de 6º de EI, 1º e 2º de primaria na biblioteca. Alí Teresa contounos e cantounos. 

Amosámosvos imaxes e un pequeno vídeo deste fermoso encontro. Unha xornada ben pracenteira! 

Grazas por vir, Teresa!






















Premede nesta imaxe para acceder á galería.

17.12.21

2ºEP - Adorno robótico

Boas a todos e a todas!

Rematamos o trimestre traballando a alfabetización informática a través da programación gracias a un obradoiro impartido pola profe Marta.

Nos últimos días todo o alumnado tivo un achegamento a un novo material xa dispoñible no Leolab: a placa Micro:bit.

Durante estas sesións formativas coñecimos a linguaxe de programación a través da plataforma Makecode (moi parecida a Scracht) e configuramos cada placa con luces leds, mensaxes ("Bo Nadal") e música (panxoliña) que se establecerán como un adorno máis dentro da árbore de nadal que temos na porta da clase.

O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo e creando; pois saímos encantados da sesión.

Programa o teu Micro Bit

Se picas na imaxe poderás ver máis fotografías da actividade.

10.12.21

2°EP - Árbore de Nadal

Boas a todos e a todas!
Xa temos montada a nosa árbore. Velaquí tendes unhas imaxes (pica na imaxe para ver máis fotografías).

9.12.21

2º EP - Doces de Nadal

Boas a todos e a todas!

Hoxe visitamos a cociña do centro para desfrutar da elaboración e degustación dos nosos doces de Nadal.

Pica na imaxe para ver máis fotografías.

3.12.21

1ºEP/6º EI_Visitamos o Laboratorio Experimental

Como vos contabamos aí atrás o colexio Milladoiro adicamos o mes de novembro á ciencia en galego levando a cabo o Laboratorio Experimental. Todas as aulas desenvolveron unha serie de experimentos convertindo o noso centro nun gran museo científico que fomos descubrir estos días. Moi interesante!!
 
Deixámosvos algunhas imaxes







1.12.21

2°EP - Visita á instalación de 6°

Boas a todos e a todas!

Hoxe visitamos a instalación artística montada polo alumnado de 6°EP inspirada en Yayoi Kusama, unha artista xaponesa que plasma nas súas obras o seu interese polos patróns e a repetición.

Pica na imaxe para ver máis fotografías.



25.11.21

2ºEP - 25N

Boas a todos e a todas!

Para conmemorar o Día Internacional Contra a Violencia de Xénero, visitamos o mural do corredor adicado ao 25 N. Con este mural pretendemos cambiar a visión ante a violencia de xénero. Para iso, puxemos as gafas 3D para descubrir diferentes títulos da nosa Biblioteca que tratan esta temática, vendo que tipo de violencia se plasma en cada unha das historias. Para completar o mural, deixamos a nosa pegada morada como mostra de apoio e loita.

Para rematar a actividade, levamos para a clase dous libros propostos polo Equipo de Biblioteca: "La princesa No" e "A historia dos bonobos con lentes".

Pica na imaxe para ver máis fotografías da actividade.



24.11.21

2ºEP - Laboratorios

Boas a todos e a todas!

Para darlle continuidade á proposta do Laboratorio Experimental, hoxe percorremos os corredores do centro para levar a cabo os experimentos preparados por cada unha das aulas. 

Picando na imaxe poderedes ver as fotografías deste e dos demais laboratorios desenvoltos ata o momento.



19.11.21

6ºEI - 1ºEP - 2ºEP - Laboratorio Experimental

Boas a todos e a todas!

Ao longo deste mes de novembro levamos a cabo o Laboratorio Experimental. 

Dentro da proposta de Ciencia en galego na Biblioteca Escolar, o alumnado de 6ºEI, 1ºEP e 2ºEP puxemos en práctica o noso espírito científico para desenvolver diferentes experimentos relacionados cos cinco sentidos:

  • Caixa misteriosa (tacto: organizado polo alumnado de 6ºEI)
  • A bandexa invisible (vista: organizado polo alumnado de 6ºEI)
  • Areas movedizas (oído: organizado polo alumnado de 1ºEP)
  • O xilófono acuático (oído: organizado polo alumnado de 1ºEP)
  • O olfacto divertido (olfacto: organizado polo alumnado de 2ºEP)
  • O gusto misterioso (gusto: organizado polo alumnado de 2ºEP)

Para isto, empregamos o método científico: observamos, preguntámonos, informámonos, experimentamos e comunicamos. 

Velaquí as fotografías de todo o proceso. Pica na imaxe para ver todas as fotografías.



29.10.21

2°EP - Magosto

Boas a todos e a todas!
Aquí vos quedan unhas imaxes do día de hoxe onde gozamos dunha xornada de xogos tradicionais e castañas.

Pica na imaxe para ver máis fotografías.

Plástica. 1º EP/6º EI

Mouchos, curuxas, sapos e bruxa...

Amosámosvos algunhas das realizacións plásticas que fixemos no que levamos de outono e que decoran o noso corredor. 

Sodes uns e unhas grandes artistas!

(Máis imaxes na galería)




27.10.21

2°EP - 18 Escritoras Galegas

Boas a todos e a todas! 

Para celebrar o Día das Escritoras (18 de outubro) e o Día das Bibliotecas (24 de outubro) unimos ambas conmemoracións a través da Tarefa Integrada "Pondo cara a...18 Escritoras Galegas". 
Nesta tarefa, o alumnado pon en práctica a Formación de Usuarios/as da nosa Biblioteca e a Alfabetización en Información para asociar cada título, cada nome e apelidos á imaxe da escritora correspondente.

Pica na imaxe para ver máis fotografías.


25.10.21

Samaín 1ºEP/6ºEI

Co gallo da festividade do Samaín conmemoramos estos días a tradicional Semana de Lecturas Terroríficas. Este ano o Equipo de Biblioteca/EDLG propuxo indagar sobre contos, lendas, cantigas... de Malpica/Costa da Morte. 

Presentamos varios dos produtos que nos chegaron por parte das familias. 

- A lenda das Torres de Mens, contada por Izan Cambón. 
- A lenda do Xigante Xacintón, contada por Xulia Ordóñez.
- Cantiga popular, recitada por Martina, Adrián, Alba, Ismael, Rita e Martín Veiga. 


Grazas a todas pola vosa participación. 










22.10.21

2º EP - Todos/as con La Palma

 

2° EP - Exposición de cabazas (Samaín 2021)

Boas a todos e a todas!

Como xa é tradición, este Samaín fixemos a nosa exposición de cabazas diante da aula. Ademais, hoxe percorrimos os corredores da escola para ver todas as cabazas feitas polos nosos compañeiros e compañeiras dos demais cursos.

Pica na imaxe para ver máis fotografías.

Exposición de cabazas. 1ºEP/6ºEI

A nosa tradicional exposición de cabazas elaboradas en familia, coa temática de Malpica/Costa da Morte foi todo un éxito este outono. Orixinais e marabillosas. 
Moitas grazas pola vosa colaboración. Sodes uns/unhas artistas!






20.10.21

2º EP - Laboratorio Documental

Co gallo da conmemoración do Samaín propúxose, desde o Laboratorio Documental, indagar sobre lendas, mitos, refráns, adiviñas, cantigas...de Malpica. 

Para levar a cabo este laboratorio, comezamos realizando unha formación de usuarios dende a aula e na Bibliteca do centro, fomentando o coñecemento e a distribución da nosa biblioteca, os materiais que nela atopamos, e como buscar de forma efectiva. 


Este laboratorio completámolo elaborando un produto audiovisual dunha obra escollida, no noso caso, a canción de Malpica Ten.

Aquí vos quedan unhas imaxes e o vídeo!






17.10.21

Hoxe Le...

A biblioteca vai recuperando actividades que tivemos que interrumpir coa chegada do COVID-º9. Unha delas é o programa de animación a lectura HOXE LE no que nenos e nenas a partir de 3º de Primaria comparten unha lectura cos máis pequenos/as. 

O xoves é o día da semana no que os nenos e nenas de 6º de Infantil e 1º de Primaria visitaremos a biblioteca durante a Hora de Ler para desfrutar desta actividade. 

 


15.10.21

A miña localidade. 6º EI/1º EP

Ola a todos e a todas

Na área de Ciencias Sociais estamos aprendendo sobre a nosa localidade, Malpica de Bergantiños, actividade que incluímos no PDI deste curso e que leva por nome Nós: patrimonio in-MATERIAL. Queremos amosarvos o ben que nos quedou o mural que puxemos na entrada da aula e que fixemos conxuntamente cos compañeiros de 6º de Infantil. 

Picando nesta imaxe accededes á galería de fotos. 




8.10.21

2º EP - Lecturas compartidas: Hoxe Le...

Boas a todos e a todas!

A nosa Biblioteca retoma este curso a actividade Hoxe Le. Por iso, cada venres na hora de lectura, achegarémonos á biblioteca para dar protagonismo ás lecturas compartidas.

Hoxe desfrutamos dun Kamishibai da man de Icía e Antía de 6º de Educación Primaria.

Pica na imaxe para ver máis fotografías.



1.10.21

2º EP - Cuando estoy enfadado (VSC)

Boas a todos e a todas!

Hoxe mostrámosvos aquí o mural que realizamos en Valores Sociais e Cívicos a partires do libro Cuando estoy enfadado de Trace Moroney. Con este libro traballamos o enfado (que actúa como unha bomba ou un volcán en erupción) e como xestionalo. Como desactivarías ti a bomba do enfado?


Aquí vos deixo o resultado:

30.9.21

2º EP - Que sabemos sobre Malpica?

Boas a todos e a todas!

O alumnado de 2º de Educación Primaria visitou esta semana Radio Balea para gravar un programa encadrado dentro do novo PDI, "Nós: Patrimonio In-Material". 

Despois de facer unha choiva de ideas na aula e ver que era o que sabía cada un de nós sobre Malpica, montamos este pequeno programa onde expoñemos a idea inicial que ten o alumnado sobre o tema.

Espero que vos guste este primeiro Podcast!


Pica na imaxe para ver máis fotografías.



29.9.21

Laboratorio de Cociña. 6º de Infantil/1º E.P

Na xornada de hoxe  visitamos o laboratorio de cociña acompañados dos nenos e nenas de 6º de Infantil. Eles/as foron os encargados/as de explicarnos todos os pasos para facer un ourizo con froitas de temporada, peras e uvas. Tamén tiñamos figos e mazás pero non os utilizamos desta vez.

Picando na imaxe poderedes ver máis fotos deste laboratorio que ademais de divertirnos repasamos e traballamos con conceptos matemáticos como a metade ou a decena.




 

28.9.21

Que sabemos sobre Malpica? 1º E.P/6º E.I

Ola a todos e a todas: 
Os nenos e nenas de 1º de Primaria, xunto cos compañeir@s de 6º de Infantil, visitamos Radio Balea para facer a nosa primeira gravación deste curso  e contarlle ao mundo que coñecemos do noso Concello, Malpica de Bergantiños, xa que no noso colexio estreamos un novo PDI que leva por nome: Nós, patrimonio in-MATERIAL  
Este é o podcast. 



22.6.21

Despedida do curso_2º de Primaria

Todas as despedidas de curso teñen certo sabor agridoce. Hoxe tivemos un día moi especial no colexio Milladoiro. Merendamos unha saborosa merenda que nos ofreceu a ANPA, desfrutamos do concerto ofrecido polo grupo Salitre no pupitre, no que o noso compañeiro Bruno é integrante e despois degustamos un refrescante xeado de froitas variadas que preparamos onte. 

Con esta enorme alegría que se reflicte nesta imaxe damos benvida ao verán e ás tan ansiadas vacacións. 

Desexo que as gocedes, Superheroes e Superheroínas de 2º!

Unha aperta inmensa da vosa mestra Susana. 





11.6.21

1° e 2° de EP - Praia de Canido

Boas a todos e a todas!
Hoxe o alumnado de 1° e 2° de Educación Primaria visitamos a praia de Canido para gozar dunha xornada de xogos ao aire libre, aproveitando así os recursos naturais da nosa contorna. 
Durante a estancia na praia merendamos e realizamos xogos en equipo e xogos de cooperación dirixidos por Borja, mestre de Educación Física, e o apoio das dúas titoras.

Pica na fotografía para ver máis imaxes.

8.6.21

1° EP - Día Mundial dos Océanos

Boas a todos e a todas!
Hoxe visitamos o Centro Cívico para realizar unha actividade relacionada co Día Mundial dos Océanos (8 de xuño). 
Comezamos facendo unha actividade reflexiva e artística onde o alumnado tiña que plasmar nun debuxo como se imaxinaba o fondo mariño dentro de moitos anos (especies novas, lixo, mascarillas, plásticos...). Unha vez rematada, pasamos a ver unha proxección audiovisual onde nos mostraban moitas especies mariñas da nosa costa, unhas coñecidas e outras non: centolas, polbos, lubrigantes, cabaliños de mar, peixe rei, cenoria de mar, faneca brava, nudibranquios, peixe trompeta...
Para rematar a visita pasamos a ver a exposición fotográfica sobre estas especies.

Pica na fotografía para ver máis imaxes

7.6.21

Proxecto As Plantas_2º de Primaria

 O pasado 5 de xuño conmemorouse o Día do Medio Ambiente polo que a aula de 2º queremos amosarvos como foi medrando o noso proxecto de aula sobre as plantas.

Iniciamos este proxecto polo mes de marzo plantando unha variedade de sementes: xirasois, flores, lentellas…Fomos observando a súa evolución durante a xerminación e crecemento de cada planta anotando nunha plantilla os cambios observados (crecemento do talo, saída de follas ou flores no caso dos xirasois).

Durante o proceso e a pesares do seus contínuos coidados,  tivemos algún que outro problema. Algunhas das plantas enfermaron por causa dun minúsculo bicho e tivemos que tratalas cun produto específico e outras morreron. Cas que foron sobrevivindo fomos trasplantándoas a outras macetas máis grandes, reutilizando envases de plástico.

Achegándose o Día do Medio ambiente aproveitamos estes envases para decoralos con redes de pesca, cunchas e figuriñas que fixemos nos mesmos e algunhas delas forman parte da exposición colectiva do cole.

Foi un proxecto moi motivador e ilusionante que podedes ver no álbum de imaxes que vos presentamos a continuación.



2.6.21

2º_Sesión formativa con SOGAMA

 

Hoxe o alumnado de 2º e 3º de Primaria asistiron, na nosa Biblioteca, a unha sesión formativa sobre separación de residuos desenvolta por Cristina, persoal de SOGAMA, que xa nos visitou o curso pasado cando participamos no programa de educación ambiental Recíclate con SOGAMA canalizado a través do Plan Proxecta da Consellería de Educación.

Asentaron contidos, xa tratados curricularmente, arredor da necesidade das 3R: Reducir, Reciclar e Reutilizar; e coñeceron unha cuarta R: Recuperación enerxética, aportación que realiza SOGAMA transformando, de forma limpa e respectuosa co medio, a parte non reciclable en enerxía eléctrica.

Premendo na primeira imaxe accederedes ao álbum de fotos da sesión.

Agradecemos ao Concello esta actividade que nos ofertou dentro do seu plan de incorporación ao programa de compostaxe doméstico liderado por SOGAMA.

28.5.21

2º_A Xanela do Maxín: A viaxe de Saira


As aulas de 2º e 3º de Primaria desfrutaron, no día de hoxe, coa representación en streaming de A viaxe de Saira de A Xanela do Maxín.

Agradecer a Celtia Figueiras a súa atención contactando con nós, facilitando o encontro en liña e protagonizando o mesmo fantasticamente.

Seguimos creando...experiencias culturais!

1°EP - LeoLab

Boas a todos e a todas!
O pasado xoves volvemos visitar o LeoLab para desfrutar e aprender co noso recuncho robótico e cos múltiples recursos dos que dispoñemos no centro. 

Pica na fotografía para ver máis imaxes no LeoLab.


20.5.21

Booktubers_2º de Primaria

Rematamos o Mes das Letras amosando o mural da entrada da aula que titulamos LEO LE, EU LEO. 

Cada neno/a elexíu un dos seus contos preferidos e gravou un pequeno video contando porque o recomenda. Tamén elaborou o seu propio cartel co que montamos este mural. 

Podedes ver os vídeos accedendo ao blog BOOKTUBERS. LEOLHE.

Premendo nesta imaxe do mural podedes ver o álbum de fotos.