Repetimos experiencias na aula multisensorial con recunchos de entroido: disfrazámonos, creamos, decoramos, construímos... experimentando cos cinco sentidos!
As aulas de 1º e 2ºA pasamos dúas xornadas do máis vivenciais e divertidas nun dos espazos creativos que conforman a nosa BE-LeoLab: espazos e recursos creativos ao servizo da comunidade e do currículo.
Premendo nos seguintes enlaces accederedes ao álbum de fotos de cada aula:
Seguro... repetiremos!
Hoxe aproveitamos o disfrar para subri ao Croma e facer o noso Galicómic sobre a San Silvestre de Malpica, próximamente o publicaremos, e tamén para facer algunhas fotos divertidas:
O alumnado de 1º e 2º de E.P. felicitou estas festas a diferentes colectivos, como a Residencia de Persoas Maiores de Carballo e a Asociación do Fogar do Pensionista de Malpica, como parte da actividade proposta dende a Biblioteca do centro dentro do PDI deste ano, "Medicus curat, natura sanat". E con este vídeo tan emotivo que realizaron queremos felicitar a todas as familias da nosa comunidade educativa.
BO NADAL E FELIZ 2024!
Pola súa parte, a Asociación Fogar do Pensionista de Malpica devolveunos un vídeo felicitando ao noso alumnado, ademais de proxectalo o venres pasado nas súas instalacións. Moitísimas grazas pola vosa colaboración:
Este pasado venres 26 volvemos a cociña para elaborar un rico biscoito de iogur e aproveitamos para pór en práctica as medidas de peso.
Picando na imaxe accederedes á galería de fotos.
No día de onte o alumnado de 1º de primaria realizou na Biblioteca Escolar unha exposición oral sobre unha das etapas da historia de Galicia: Os romanos na Gallaecia.
Tivemos como público ao alumnado de 6º de EI que amosaron moito interese no tema xa que estiveran anteriormente investigando e aprendendo sobre a prehistoria e a vida dos castrexos, etapa anterior á chegada dos romanos.
Este traballo enmárcase dentro do PDI deste curso; NÓS: Patrimonio
IN-material.
Deixámosvos as diapositivas do traballo presentado en forma
de caderno electrónico.
No día do aniversario da nosa escritora máis querida, a gran Rosalía de Castro, celebrámolo adicando a Hora de Ler a súa poesía. Logo cada un de nós elexíu unha palabra que nos evocase a súa figura ou escrita e fomos pegala na súa silueta que está no mural que temos adicada a ela.
Picade na imaxe para ver máis fotos na galería.
"Non hai camiño para a paz, a paz é o camiño", Mahatma Gandhi.
A pasada semana o alumnado de 1º e 2º de Primaria participou nun obradoiro de reciclaxe creativa impartido polo colectivo LIMPOCEAN, asociación sen ánimo de lucro que ten como obxectivo reducir o impacto ambiental do lixo que hai nos océanos e mares.
Aproveitando que estamos ás portas do Nadal os nenos e nenas crearon esta fermosa árbore colectiva reutilizando residuos plásticos e outros materiais.
Pica na imaxe para acceder á galería de fotos.
Hoxe realizamos a primeira saída escolar do curso ao MELGA (Museo Etnolúdico de Galicia), en Ponteceso. Tivemos unha visita guiada da man do seu fundador: Ricardo Pérez y Verdes, un home entusiasta que nos ensinou parte dos 4.000 xoguetes que alberga o museo e algún que outro xogo.
Foi unha xornada que disfrutamos moito, moi divertida e didáctica.
Preme na imaxe para acceder a galería.
Bo día,
Na xornada de hoxe o 1º ciclo de primaria participou nun obradoiro sobre saúde e boas prácticas nutricionais enmarcado no Contrato Programa INNOVA_EDUsaúde
Deixámosvos algunhas imaxes do día.
Pica para acceder á galería
O alumnado de 1º de Primaria pasou hoxe polo laboratorio de cociña para elaborar dúas receitas moi acaídas para estos días: ovos recheos con arañas e sandwich mostruoso.
Anteriormente escribimos as receitas cos ingredientes e materiais necesarios así como os pasos que debíamos seguir para a súa elaboración.
Deixámosvos algunhas imaxes desta actividade.
Preme na imaxe para acceder á galería
Hoxe dou comezo a XIII semana das Lecturas Terroríficas na nosa Biblioteca Escolar e a aula de 1º de primaria presentou un video que vos amosamos a continuación.
Fixemos unha adaptación do conto O home do saco de Enric Lluch.
Preme na imaxe para acceder ao vídeo
O pasado 3 de outubro a biblioteca escolar abríu un curso máis as súas portas. Era un día esperado por todo o alumnado do centro.
Esta imaxe corresponde ao primeiro día no que os nenos e nenas de 1º elexían un conto para levar as súas casas e compartir coas súas familias durante unha semana. Esta actividade enmárcase dentro do programa de animación á lectura QUE ME CONTAS?
A cova na que se refuxian para ler é a estrutura de vimbio que fixemos o curso pasado entre todo o alumnado do centro, coa participación tamén das familias que poideron e quixeron achegarse.
Comezamos un novo curso escolar e con él novas ilusións e novos proxectos. O alumnado de 1º de primaria atopou fai uns días un insecto moi peculiar no patio que lles chamou moito a atención resultando ser unha mantis relixiosa.
Alexia tamén nos trouxo ao colexio unha bolboreta morta dentro dun frasco transparente e aproveitamos para observala cun microscopio.
Estas dúas anécdotas animounos a investigar e aprender máis sobre o mundo dos insectos. Amosamos algunhas da fotos do traballo que estamos a desenvolver estos días.
Pica na imaxe para acceder á galería.
