Fin de curso 2018/19

Xogos Populares 1º e 2º ciclo E.P.

Hoxe, 1º e 2º ciclo de E.P.,  realizamos xogos populares no patio cuberto.
Unha nova xornada de aprendizaxes e diversión, con agasallos finais: unha chapa e unha buxaina.
O curso que vén máis!

Ciencia, tecnoloxía e rodas

Lapbooks de 1º

Hoxe repasamos os lapbooks feitos en cada trimestre: os seres vivos, o noso corpo aliméntase, materiais e máquinas.
Agora toca disfrutalos en familia e animarse a facer algún na casa con diferentes formas e materiais.

Arte coas crebas

O mestre Josecho organizou a exposición "Arte coas crebas" e nela xa se recollen as nosas obras: non máis lixo no mar e a serea Leo.
Estades convidados a visitala o venres 21 de xuño co gallo da celebración do IV Día da Familia.

Saída FENAUCAM

Hoxe as aulas de 1º e 2º visitamos FENAUCAM (Feira Naútica de Camariñas), o faro Vilán e xantamos no Ariño, entre pinos á beira da ría de Camariñas.
Pasamos un día xenial!
Para ver as fotos da saída picade no seguinte enlace:

Saída FENAUCAM

Kapla no Leolab

Unha sesión máis no Leolab, como nos gusta!
Tocounos Kapla, a imaxinar, crear e construír.

Experimentamos con auga

No laboratorio de cociña fixemos 3 experimentos con auga para completar o último lapbook do curso e elexir un deles para o II Día da Ciencia e a Tecnoloxía.
Eleximos...a ilusión óptica coa auga! Na aula de 1º faremos maxia coas letras grazas á auga.

Visita 6º E.I.

Hoxe, na hora de ler, visitáronnos os compañeiros/as de 5 anos porque o vindeiro curso inician Primaria.
Fixeron moitas preguntas: é difícil aprender a ler?, hai exames en 1º?, hai casiña no recuncho para xogar?; e estiveron moi atentos/as ao conto que lles lemos "Alex e o rato de corda"
Agasallámolos cun debuxo de Guille, o rato de corda e esperámolos o curso que vén en 1º, pois nós xa seremos un chisco máis maiores, estaremos en 2º!

Mesa interactiva

Un mar de contos (Realidade Aumentada)

Un mar de baleatos (green screen)

Coñecemos a Jaques Cousteau e aproveitando as nosas cabezas de baleatos do entroido puxemos en práctica a técnica croma ou green screen. Compartimos con todos vós as nosas horas de diversión e aprendizaxe: NON ENSUCIES OS MARES...COIDA O MEDIO AMBIENTE!

Un mar de crebas: Leo

Imaxinación e creatividade ao poder entre crebas! Creamos á mascota da nosa biblioteca: a serea Leo.

Leo cun libro e un xeado.