Aniversario Lector_Ángela 3°

Día de Aniversario Lector na nosa aula. Nesta ocasión para celebrar que Ángela fai 9 anos. Achegouse o pai para compartir un conto con tod@s nós. Grazas por vir e...MOITOS PARABÉNS, ÁNGELA!

1º-2ºA-2ºB/3º_Coñecendo a... Photon Robot!

O alumnado de 1º, 2º e 3º de primaria, grazas ao orzamento do Programa Innova, coñeceu e experimentou con Photon Robot, un novo recurso da nosa biblio creativa.

Da man de Flor, de Maker Store by Allknow de Carballo, programaron a Photon Robot para chegar a diversas emocións que foron descubrindo mediante un relato contado.

Premer na imaxe para acceder á galería de fotos

Seguimos ampliando recursos e formación en programación e intelixencia artificial para mellorar o ser e o saber... facendo!

1º-2ºA_Saída a Mens e San Adrián

Premer na imaxe para acceder á galería de fotos

As aulas de 1º e 2ºA realizamos unha saída a Mens e ao cabo de San Adrián de Malpica.

Unha xornada en contacto coa natureza, aproveitando o bo tempo despois de tantos días de chuvia, para celebrar a chegada da primavera, capturar imaxes para o Galicómic de 1º e gravar as pezas audiovisuais do DichoLeo de 2ºA.

Encantounos xogar e correr entre as flores, buscar minerais por San Adrián e mesmo ver algún barco faenando cerca das Illas Sisargas.

Un privilexio vivir e educarnos no rural, gozando da natureza e da paisaxe!

1º-2º-3º_Visitamos a Radio Galega e o Museo de Historia Natural

No día de hoxe as aulas de 1º, 2º e 3º de primaria visitamos a Radio Galega, grazas ao premio do VI Concurso de Podcasts-Radio na biblio que o pasado curso acadou o alumnado de 6º de educación infantil e que este ano cursa 1º de primaria.

Unha visita na que asistimos, en directo, ao programa "Galicia por diante" presentado por Kiko Novoa e Cristina García. Premendo no seguinte enlace poderedes escoitar, a partir de 1 hora e 48 minutos, a participación do noso cole:

• Galicia por diante coa rapazada do CEIP Milladoiro 

Unha experiencia de radio en directo que nos encantou, así como poder coñecer as instalacións da CRTVG, que este ano celebra o seu 40 aniversario, e ao persoal que tan amablemente nos acolleu e ata nos despediu con agasallos: bolsa de tea... con libro incluído!

Ao tempo, aproveitamos a saída a Santiago de Compostela para visitar o Museo de Historia Natural da USC que foi un peche de xornada fantástico porque a tod@s nos marabillou o que vimos: animais, minerais, plantas...

Premer na imaxe para acceder á galería de fotos

Unha saída a do 2º trimestre... do máis radiofónica e natural!

Aniversario Lector_Alexia 3º EP

Alexia estivo de aniversario fai uns días e recibimos na nosa aula aos seus pais e á súa irmá, Uxía, e nos leron uns chistes moi graciosos cos que nos rimos moito. Gracias por vir!

Moitos parabéns Alexia polo teu 9º aniversario! 

1º e 2ºA_Semana da Muller: Pandereteiras de Mens

 

Premer na imaxe para acceder á galería de fotos

Atendendo á proposta de actividades anuais, as aulas de 1º e 2ºA realizamos a biografía das Pandereteiras de Mens para o mural de centro celebrando a Semana da Muller 2025.

Unha biografía que nos achegou ás Mulleres homenaxeadas o Día das Letras Galegas 2025: cantareiras e pandereteiras; cantando, contando, xogando na páxina web da Real Academia Galega:

• Primavera da Letras 2025

Aprendizaxes cargadas de poesía popular oral, de Mulleres pioneiras que co seu tocar e cantar conservaron a nosa tradición para legarnos todo o seu saber e sentir.

Feliz Día da Muller 2025!

2ºA_C@ntando en Radio Balea

Presentamos o podcast que gravamos en Radio Balea, grazas a colaboración de Suso, María e Tania, dentro do programa Millainforma e conmemorando o Día da Muller e Letras Galegas 2025.

Un produto final onde recollemos a información que transformamos en coñecemento ao redor da poesía popular oral, das cantareiras e pandeireteiras, especialmente das nosas Pandereteiras de Mens.

Esperamos que vos guste, nós divertímonos aprendendo!

Premer na imaxe para acceder á galería de fotos

2ºA_Día da Muller: Pandereteiras de Mens

Premer na imaxe para acceder á galería de fotos

Hoxe conmemoramos o Día Internacional da Muller e na aula de 2ºA seguimos informándonos para redactar a biografía de cinco mulleres que abriron camiño a moitas outras co seu tocar e cantar, falamos das Pandereteiras de Mens.

Desde o Día de Rosalía ata o noso Mes das Letras, as Pandereteiras de Mens forman parte das actividades que desenvolvemos: recolleita de poesía popular oral, coñecer e cantar o "Maneo de Mens", organizar, coa axuda da nosa titora, toda a información para crear coplas e regueifar, tal como podedes ler na imaxe.

Actividades que nos permiten valorar e concienciarnos da importancia de coidar o noso patrimonio oral, a nosa lingua, e sentirse orgullos@s do legado que nos deixaron as nosas...

PANDERETEIRAS DE MENS

MULLERES PIONEIRAS,

de puño e sentimento.

2ºA_Visitas especiais: poesía popular oral

Ao longo do mes de febreiro tivemos dúas visitas/colaboracións moi especiais: familias da nosa aula.

A familia de Catuxa, Suso e María, viñeron ensinarnos a cantar "Maneo de Mens" que inclúe unha das coplas que forma parte da recolleita de poesía popular oral realizada entre as nosas familias. Despois de practicar letra e ritmo subimos a Radio Balea a gravar todas as coplas.

Ao tempo, recibimos a visita de Tania, nai de Borja, acompañada de Belén, as dúas integrantes de A.C. Malante de Malpica de Bergantiños. Tania e Belén déronnos moita información sobre o tocar e cantar bergantiñán, así como se animaron a cantar coa estrea das nosas pequenas pandeireteiras.

Experiencias significativas e do máis produtivas para desenvolver a tarefa integrada que estamos a implementar este trimestre: Así vivimos!; e tamén dar tratamento o Día de Rosalía, o Día da Muller e o Día das Letras Galegas 2025.

2ºA_Así vivimos! de Fátima Romero Olveira

Grazas infindas a Suso, María, Tania e Belén por legarnos o seu saber e a súa solidaria colaboración.

Un entroido cheo de cor e sabor!_2ºB/3º EP

O xoves 27 de febreiro o noso cole enchíose de cores para festexar o entroido. Foi unha xornada moi divertida na que aproveitamos para ir ao Laboratorio de cociña a preparar unhas saborosas pizzas. Despois pasamos pola Aula Croma a sacarnos fotos. 
Podedes ver un resumo do día neste vídeo que preparamos. 

Que teñades moi feliz entroido!

2ºA_Entroido 2025: axolotes de moitas cores!

Premer na imaxe para acceder á galería de fotos

Hoxe celebramos o Entroido no cole Milladoiro: un entroido... do máis natural! en relación co PDI que nos ocupa no presente curso.

Disfrazámonos de axolotes, acompañando o desfile coa copla creada coa axuda de Lupe Blanco:

Aquí están os de segundo

que imos de axolotes

animais marabillosos 

que nos lagos hai a lotes.

Axolotes de moitas cores para vivir un Entroido no que a natureza foi protagonista.

Feliz Entroido 2025 a tod@s!

1º-2ºA_En Entroido... aula audiovisual!

 

Premer na imaxe para acceder á galería de fotos

No Entroido, ademais da aula multisensorial, tamén experimentamos coa técnica chroma na aula audiovisual. Técnica na que empregamos un fondo verde para superpoñer imaxes e realizar unha montaxe, polo que se imos vestidos con cores verdes... volvémonos invisibles! (algo que nos pasou a máis de un/unha coas cores verdes do noso disfraz)

No día de hoxe, viñemos ao cole co noso disfraz favorito e non podiamos perder a ocasión de gardar, en formato imaxe, os nosos gustos e preferencias de Entroido: policías, monstros, personaxes de animación infantil, de conto...

Un Entroido diverso e colorido que mañá, venres 28 de febreiro, remataremos co noso desfile polas rúas de Malpica: un entroido... do máis natural!

2ºA_Día de Rosalía 2025

Premer na imaxe para acceder á galería de fotos

Celebramos o Día de Rosalía reproducindo na plantilla-pandeireta, facilitada polo equipo de BE-DL, unha copla do "Maneo de Mens" que tamén gravamos en Radio Balea para o vídeo da actividade de centro en relación co PDI que nos ocupa.

Ao tempo, organizamos a recolleita de poesía popular realizada entre as familias da nosa aula resultando outro produto final co cal podemos seguir investigando e aprendendo. 

Grazas a todas as familias pola súa colaboración e... feliz Día de Rosalía, hoxe e todos os días do ano!

CARREIRA DE CROSS (CAMPO A TRAVÉS) EN CARBALLO

 O pasado venres 21 de febreiro o alumnado de 2º, 3º, 4º e 5º de educación primaria desprazouse ao polígono de Bértoa en Carballo onde se celebrou a carreira de cross intercomarcal da zona de Bergantiños.

Esta carreira encádrase dentro do PVAD (Proxecto de vida activa e deportiva) na modalidade XOGADE sostida con fondos da XUNTA onde o centro participa por medio deste Plan Proxecta.

A carreira contaba cun total de 978 deportistas repartidos entre as distintas categorías (dende cadete feminino e masculino ata benxamín feminino e masculino).

Dende o CEIP Milladoiro, participamos coas categorías benxamín e alevín de ambos xéneros. O que se busca con esta iniciativa é que os nenos e nenas participen nun evento deportivo e experimenten a competición dende unha perspectiva lúdica, activa e participativa. 

A resposta foi moi boa e os nenos e nenas volveron contentos e orgullosos despois de ¨competir¨ contra outros nenos e nenas da comarca. Tratábase de participar con valores, pero tamén con espírito de esforzo e superación, e así foi. Un sobresaínte para todos e todas os que se animaron a correr. Parabéns!!

Destacamos ademáis a clasificación de varios alumnos e alumnas, mellorando a clasificación do ano pasado. En benxamín feminino Alexia quedou de 3ª e Manuela de 7ª o que lles permitiu clasificarse para a final provincial. En benxamín masculino, Anxo acadou o 5º posto. En Alevín feminino Antía quedou de campiona e Clara de 13ª e en alevín masculino, Martín Martelo de subcampión.

Moitas grazas as familias polo apoio e colaboración.

Comparto a clasificación da carreira por categorías da web da Federación Galega de Atletismo: 

CLASIFICACIÓN

Acceso á galería de imaxes picando na de abaixo 👇

NOTAS DE PRENSA:

 LA VOZ DE GALICIA:   https://www.lavozdegalicia.es/album/carballo/carballo/2025/02/20/ambientazo-bertoa-multitudinaria-prueba-campo-traves-escolar/01101740074773216272774.htm

https://www.lavozdegalicia.es/noticia/carballo/carballo/2025/02/18/mil-jovenes-atletas-jueves-carballo/0003_202502C18C3996.htm

DIARIO DE BERGANTIÑOS

https://www.diariodebergantinos.com/articulo/deportes/campo-traves-carballo-reune-jueves-casi-mil-escolares-5184843

1º e 2ºA_En Entroido... aula multisensorial!

Repetimos experiencias na aula multisensorial con recunchos de entroido: disfrazámonos, creamos, decoramos, construímos... experimentando cos cinco sentidos!

As aulas de 1º e 2ºA pasamos dúas xornadas do máis vivenciais e divertidas nun dos espazos creativos que conforman a nosa BE-LeoLab: espazos e recursos creativos ao servizo da comunidade e do currículo.

Premendo nos seguintes enlaces accederedes ao álbum de fotos de cada aula:

• Aula de 1º. Entroido na aula multisensorial

• Aula de 2ºA. Entroido na aula multisensorial.

Seguro... repetiremos!

2ºA_Reto pola Paz... intercentros!

2ºA-Milladoiro & 1ºA-Tarrío_Retos pola Paz_2025 de Fátima Romero Olveira

Presentamos un resumo audiovisual da actividade realizada, dentro da proposta de actividades do PDI de centro, para conmemorar o Dia da Non Violencia e da Paz.

Actividade na que desenvolvemos: lectura activa, reflexión, valores, creatividade e... convivencia intercentros!

Un novo reto que nos enviou Leo, a nosa serea lectora, tal e como se recolle na seguinte presentación, e que compartimos co CEIP de Tarrío (Culleredo) onde está o noso titor do pasado curso, Keko:

2ºA_Retos pola Paz de Fátima Romero Olveira

A imaxe fala por si soa, tal foi a emoción de realizar o reto e contactar con Keko e o seu grupo, que así o reflectimos na noticia da semana.

Premer na imaxe para acceder á galería de fotos

Repetiremos conexión, seguro!

Somos artistas_2ºB/3º EP

Con este vídeo queremos dar visibilidade aos últimos traballados feitos na área de Plástica na Aula de Arte inaugurada este curso no noso cole. 

Trátase duns traballos artisticos a modo de collage feitos con diferentes materiais e texturas e tendo como base recortes de textos sacados de libros expurgados da biblioteca escolar. A técnica foi totalmente libre dando renda solta a imaxinación de cada quen. 

SOMOS UNS e UNHAS ARTISTAS!

Paraugas pola paz_2ºB/3º EP

Polo DÍA ESCOLAR DA NON VIOLENCIA E A PAZ a nosa aula quixo sumarse a actividade de RETOS POLA PAZ que consistiu en crear un paraugas colectivo que tivese un poder máxico; un poder que faga deste mundo un lugar mellor, inspirándonos no conto O ladrón de paraugas. 

Convidamos ao alumnado de 2º de Primaria do CPI As Revoltas a colaborar nesta iniciativa os cales aceptaron con moita ilusión. Para formalizar o intercambio de paraugas, ao mesmo tempo que nos coñecíamos, programamos para o día de hoxe unha videochamada. 

O noso paraugas laranxa é o paraugas do RESPECTO e a CONVIVENCIA. 

Ademáis do paraugas colectivo, cada neno e nena de ambos centros coloreou o seu propio paraugas e asignoulle o poder que quixo. 

Podedes ver máis fotos do acto premendo neste enlace: PARAUGAS POLA PAZ

          

Reto pola Paz (1º E.P.)

 

Retos pola Paz_2024-25 de bibliotecamilladoiro

Este ano a actividade polo Día da Paz, consistiu en enviarlle a outro cole un "Reto pola Paz" e a clase de 1º E.P. porpúsolle o reto anterior á Escola de Bértoa pertencente ao  CRA Ponte da Pedra de Carballo. Tiñan que ler o conto "O ladrón de paraugas" e crear o seu propio paraugas que axudara a todos os nenos e nenas do mundo. Onte para conmemorar o día da non violencia e a paz realizamos unha videoconferencia coa escola da Bértoa para compartir os diferentes paraugas que creamos nos dous centros e ademais propuxéronos eles un reto polo paz, que consiste en cantar unha cantiga propia da nosa zona e enviarlles o vídeo. Podedes ver todas as fotos premendo no seguinte enlace: retos pola paz.

Aniversario Lector_2ºB

Último aniversario do mes na nosa aula. Desta vez é Pedro quen fai anos e veu a súa nai compartir un conto con tod@s nós. Un conto moi chulo que non coñecíamos. Trátase de El largo viaje de Nanuc, de Toni Cabo. Gustounos moito, sobre todo a sorpresa final da carta. 

Moitas grazas pola visita e MOITOS PARABÉNS, PEDRO! 

Aniversario lector_Andrea 3º EP

Na nosa aula hoxe volvemos a estar de celebración xa que Andrea fai 9 anos. Achegouse a súa nai ao cole para compartir con tod@s nós un marabilloso conto titulado Canto máis longa sexa a espera maior será o abrazo de Eoin Mclaughlin. Encantounos!

Moitos parabéns Andrea e moitas grazas mami por vir! 

Aniversario Lector_Emma 3º EP

Xaneiro é para a nosa aula un mes cargadiño de anivesarios. O primeiro en celebrar é Emma que xa cumple 9 anos. Quixo facelo traendo ao cole ao seu avó e xuntos léronos este fermoso conto: Crocodilo namorado de Daniela Kulot. Encantounnos. 

Grazas por vir! e...MOITOS PARABÉNS, EMMA!!

Educatribu: horticultura

 O pasado mércores todos os alumnados do centro tiveron un Educatribu de horticultura impartido por Belén, nai dos alumnos Pedro e Pablo. Previamente preparan o terreo co o alumnado de 3º ciclo de Educación Primaria e onte os alumnos máis pequenos plantaron fresas, estamos desexando poder facer ricas receitas con elas. Moitas gracias a todas as familias participantes neste programa que nos axudan a enriquecer as prácticas diarias. Podedes ver todas as fotos premendo no seguinte enlace: horticultura.