Boas a todos e a todas!
Aquí vos deixo o vídeo de Entroido que realizou a aula de 1º de EP coa canción Superheroes e Superheroínas de Paco Nogueiras.
No blog da biblioteca tamén podedes atopar o vídeo conxunto realizado por todo o alumnado do centro.
Esperamos que vos gusten!
Bo día a todos e todas!
Seguimos mellorando o noso disfraz de superheroes e superheroínas do día a día.
Hoxe tocou traer unhas luvas que nos outorgan maiores superpoderes.
Mañá completaremos o disfraz cun utensilio de cociña de madeira.
Que viva o entroido!
Segundo día de entroido no cole. Hoxe tocou traer unha capa, como auténticos superheroes e superheroínas que somos.
Visitamos o Farruco e pídenos que mañá traigamos unhas luvas de cociña para seguir completando o noso disfraz.
Hoxe fomos á Biblioteca facer a devolución e empréstito do conto para a bolsiña viaxeira, que cada semana viaxa ás nosas casas.
Aproveitamos para facer unha actividade de animación á lectura visionando un vídeo titulado Toupiconsellos ofrecido polo Consorcio editorial, posto que este curso, debido a situación sanitaria derivada do COVID-19, os/as autores/as non farán visitas presenciais no cole.
Hoxe visitamos o laboratorio de cociña para experimentar coas medidas de capacidade que estamos aprendendo na área de Matemáticas: o Litro.
Cada equipo dispoñíamos dun conxunto de recipientes de
diferente tamaño e forma e fixemos varias actividades: Ordenámolos de maior a
menor capacidade, clasificamos os que tiñan máis e menos de 1 Litro ou
comprobamos cantos vasos podíamos encher con ½ litro e 1 litro de auga.
Que mellor forma de aprender que vendo, manipulando e
experimentando!
Pica na imaxe para ver máis fotos deste día na galería.
Bo día a todos e a todas!
Debido ao momento que estamos a vivir coa Covid-19, este ano os autores non visitan os centros escolares. Por este motivo, no día de hoxe, visitamos a nosa biblioteca para ver un vídeo que nos fixo chegar o Consorcio Editorial como recurso de animación á lectura a través dos Toupiconsellos.
Pola Semana da Paz o alumnado de 2º de Primaria eleximos o conto A mellor sopa do mundo, de Susanna Iseen para representar nun Kamishibai.
Un conto marabilloso que nos ensina a importancia da amizade, da cooperación, do tempo compartido...
Desfrutamos moito realizando as ilustracións e preparando a súa lectura.
Unha aula de artistas! Parabéns!
Bo día a todos e a todas!
Aquí vos deixo o produto final que elaborou o alumnado de 1º de Educación Primaria para a Semana da Paz. Dentro do Laboratorio Documental, creamos un videoconto do libro Avós.
Avós invítanos a atopar a beleza a través dos ollos do amor, amosándonos todo o cariño que pode existir cando o corpo murcha e descúbrenos as vantaxes de vivir cun sorriso nos beizos.
Amor, comprensión, empatía, aceptación... son moitos dos valores que se traballan a través da historia de Manuel e Manuela.
Ademais desta actividade, tamen aproveitamos para reforzar a formación de usuarios da biblioteca, coñecer a organización e os diferentes espazos dentro da mesma, e a identificación dos libros. Así mesmo, colocamos na exposición exterior da biblioteca o libro traballado, indicando os valores tratados e o código QR que redirixe ao produto realizado.
Boa tarde a todos e a todas!
Quizais todos os días non sexan bos, pero sempre hai algo bo todos os días e o 2020 non ía ser
diferente. Estes días fixemos unha actividade de reflexión sobre o 2020 que, pese ao malo que foi por
culpa da Covid-19, fomos capaces de ver algunha que outra cousa boa.
Comezamos un novo ano e un novo trimestre. Os nenos e nenas de 2º de primaria cóntannos dende Radio Balea que foi o que máis lles gustou do Nadal e cales son os seus desexos para este 2021.
Oxalá os vosos desexos se fagan realidade!
