1º de EP - Contos valorados, lecturas compartidas para a Semana da Paz (Laboratorio Documental)

Bo día a todos e a todas!

Aquí vos deixo o produto final que elaborou o alumnado de 1º de Educación Primaria para a Semana da Paz. Dentro do Laboratorio Documental, creamos un videoconto do libro Avós.

Avós invítanos a atopar a beleza a través dos ollos do amor, amosándonos todo o cariño que pode existir cando o corpo murcha e descúbrenos as vantaxes de vivir cun sorriso nos beizos.

Amor, comprensión, empatía, aceptación... son moitos dos valores que se traballan a través da historia de Manuel e Manuela.

Ademais desta actividade, tamen aproveitamos para reforzar a formación de usuarios da biblioteca, coñecer a organización e os diferentes espazos dentro da mesma, e a identificación dos libros. Así mesmo, colocamos na exposición exterior da biblioteca o libro traballado, indicando os valores tratados e o código QR que redirixe ao produto realizado.

Música 1º EP, Día da Paz

 

                                        Viva a Paz! (no mundo, na vila, no patio, na aula...😄)

Música 2º EP, Día da Paz

                                        Viva a Paz! (no mundo, na vila, no patio, na aula...😄 )

1º de EP - A paz construímola entre todos

Boas a todos e a todas!

Estos días estamos celebrando a semana da Paz, para iso, unha das actividades que fixemos foi facer este pequeno mural, onde recollemos diversas palabras e valores relacionados coa paz para recordarnos que conseguila depende de todos nós. 

Xuntos construímos a Paz!

1º de EP - Non todo o 2020 foron cousas malas

Boa tarde a todos e a todas!

Quizais todos os días non sexan bos, pero sempre hai algo bo todos os días e o 2020 non ía ser 

diferente. Estes días fixemos unha actividade de reflexión sobre o 2020 que, pese ao malo que foi por 

culpa da Covid-19, fomos capaces de ver algunha que outra cousa boa.

  

DESEXOS PARA O 2021-2º de Primaria

Comezamos un novo ano e un novo trimestre. Os nenos e nenas de 2º de primaria cóntannos dende Radio Balea que foi o que máis lles gustou do Nadal e cales son os seus desexos para este 2021.

Oxalá os vosos desexos se fagan realidade!

1° de EP - Os Reis Magos

Boas a todos e a todas!

Este ano os Reis Magos non puideron achegarse ao centro, pero non querían deixar de saudar aos nenos e nenas, polo que nos enviaron unha mensaxe virtual. 

Despois de ver a súa mensaxe, cada neno/a entregou a súa carta e recolleu a bolsiña de caramelos coa que nos agasallaron.

 

 

 

 

 

1° e 2° de EP - O apalpador

Boas a todos e a todas!

O luns 21 de decembro acudimos ao Centro Cívico para ver unha obra de monicreques sobre o Apalpador. 

Podedes ver aquí unhas imaxes:

Felicitación Nadal_2º de Primaria

A aula de 2º de Primaria deséxavos un BO NADAL e un 2021 cheo de esperanza para todas as familias. 

Un mundo mellor é posible! Nunca deixedes de soñar. 

Leo e Rodari_2º Primaria

Como cada martes acudimos á biblioteca devolver o noso conto da semana e coller en empréstito un novo. Levamos unha gran sorpresa xa que Leo, a mascota da nosa biblio, deixounos unha caixa que contiña un conto de Rodari, titulado Confundindo Historias, que xa leramos con anterioridade na aula, un exemplar do xornal en lingua galega O Papagaio e unha carta dándonos as grazas por todo o traballo desenvolto este trimestre arredor da obra do xenial Gianni Rodari.

Convidounos a facer máis actividades de escritura creativa. Eleximos a de construir un poema a modo de acróstico a partir dunha palabra das que se propuxemos na aula. A palabra escollida foi NATUREZA.

Neste caderno que vos presentamos a continuación recollemos algunhas das actividades realizadas neste trimestre utilizando algunhas técnicas para o desenvolvemento da creatividade na linguaxe escrita e a expresión oral e dramática.

Destacamos a creación colectiva do conto O GATIÑO PRESUMIDO a partir dunha das técnicas de escritura creativa proposta por Rodari. A de plaxiar contos tratando de copiar a estructura dun conto popular pero inventando outros personaxes, relacións e situacións deixando voar a imaxinación. O conto no que nos inspiramos foi o de A ratiña presumida.

Agardamos que vos guste tanto como a nós. Queda pendente a publicación dun vídeo coa dramatización do noso conto.

Calameo Comunicando Fantasía Rodari

Leer más publicaciones en Calaméo

Escape Room_Nadal. 2º de Primaria

Hoxe foi un día cheo de emocións na aula de 2º de primaria. Fixemos un Escape Room no Leolab que consistía en ir descubrindo a obscuras e utilizando unha lanterna unha tarxetas que contiñan unha operación de suma ou resta escritas cun boli de tinta invisible. Tiñamos que ir anotando no noso caderno de laboratorio o resultado de cada unha das 14 tarxetas repartidas pola sala. Cada resultado correspondíalle unha letra é o obxectivo era descifrar unha mensaxe secreda.

Es código secreto resultou ser finalmente MENSAXE DOS REIS MAGOS. Ilusionados/as volvemos á aula e visualizamos un vídeo dos REIS MAGOS cunha mensaxe personalizada para nós. Todo unha sorpresa!

Rematamos a xornada despedíndonos de Andrea, a profe de prácticas que nos acompañou dende comezos de novembro. Fixémoslle un agasallo e ela tamén nos agasallou cun boli de tinta invisible para xogar na nosacasa e unha tarxeta cunha mensaxe personalizada para cada un de nós.

Foi unha despedida moi especial e emotiva. Grazas Andrea por todo! Serás unha gran MESTRA!  Levarémoste sempre nos nosos corazóns.

Unha aperta enorme.

Pica na imaxe para acceder ás fotos da galería. 

O gatiño presumido. Conunicando Fantasía, Emocionámonos!

O alumnado de 2º de primaria son os creadores deste divertido conto titulado O gatiño presumido, unha versión libre inspirada no conto clásico A ratiña presumida.

Esta actividade forma parte da homenaxe que quixemos facer este trimestre ao gran Gianni Rodari dentro das propostas de actividades promovidas polo Equipo de Biblioteca/DL: Comunicando Fantasía, Emocionámonos!

Parabéns artistas!

1º de EP - LEO...e a caixa Rodari!

Boas a todos e a todas!

Esta semana atopámonos na clase cunha sorpresa: unha caixa da nosa amiga Leo! Apresurámonos todos/as a abrila para descubrir que había no seu interior. Atopámonos con varias cousiñas, unha delas era o libro de poemas "Palabras do mar", xunto cunhas propostas de actividades.

Despois de ler e comentar o libro, escollimos unha palabra ao chou de todas as que aparecían no libro. A palabra esollida foi NÉBOA. A partires de aquí pensamos palabras que comezáran por cada unha das letras desa palabra e que, dalgunha forma, estivesen relacionadas tanto coa palabra como co tema do libro: o mar. E de aquí, naceu este pequeno poema:

                                        Noite
                                        Estrelada
                                        Barco
                                        Ondea
                                        Alto

  

1º de EP - Gañadora do concurso de postais de Nadal do Concello

Boas a todos e a todas!

No día de hoxe, mércores 16 de decembro, achegáronse á biblioteca do cole o Sr. Alcalde, a Concelleira de Cultura e a Concelleira de Medio Ambiente e Educación a desvelar quen foi o escolar premiado no concurso de Nadal do Concello, sendo a afortunada:

Dania Blanco Rodríguez, de 1º Educación Primaria

1º de EP - Vídeo resumo do 1º trimestre